०५ साउन २०८३, मंगलबार
नेकपा एमालेका अध्यक्ष केपी शर्मा ओलीले दुई महिना मेहनत गरे चुनावमा एमालेले विश्वले नचिताएको नतिजा ल्याउने दावी गरेका छन् ।
एमालेको पक्षमा व्यापक जनलहर सिर्जना भएको उनको भनाइ थियो ।
नेपाल लोकतान्त्रिक तमु संघको सम्मेलनलाई आइतवार पोखरामा सम्बोधन गर्दै ओलीले मंसिरको चुनावमा एमालेले बहुमत ल्याउने दावी गरेका हुन् ।
‘हिजो जनकपुरको एउटा निर्वाचन क्षेत्रमा १० हजारलाई पार्टी प्रवेश गराएँ । असोज ८ गते अर्को निर्वाचन क्षेत्रमा प्रवेश गराउन जाँदैछु,’ ओलीले भने, ‘एमाले प्रवेशको लहर छ, यस लहरलाई राष्ट्रिय लहरको रुपमा अगाडि बढाउनु पर्दछ । यसो गरे बहुमत ल्याउन सकिन्छ ।’
ओलीले एमालेको पक्षमा जनलहर सिर्जना भएको र विश्वले नचिताएको नतिजा चुनावमा ल्याउने दावी गरे ।
‘राष्ट्रिय रुपमा मात्र होइन विश्वले नचिताएको नतिजा एमालेले ल्याउन सक्छ, जनता जागेपछि कसैको केही लाग्दैन । एमालेको पक्षमा जनलहरको तुफान सिर्जना गर्नुछ,’ ओलीले भने ।
ओलीले एमालेलाई विभाजन गरेर माधव नेपाल कांगेसेसँग चुनावी तालमेल गर्न गएको भन्दै आक्रोश पोखे ।
