२५ जेठ २०८३, सोमबार
राप्रपा अध्यक्ष राजेन्द्र लिङ्देनको नेतृत्वमा संसदीय बोर्ड गठन गरिएको छ । आगामी मंसिर ४ गते हुने आम निर्वाचनमा टिकट वितरण लगायतका प्रयोजनका लागि अध्यक्ष राजेन्द्र लिङ्देनले बोर्ड गठन गरेको प्रवक्ता मोहन श्रेष्ठले जानकारी दिए ।
बोर्डमा पूर्वअध्यक्षहरु लोकेन्द्र बहादुर चन्द, डा प्रकाशचन्द्र लोहनी र पशुपति शमशेर राणा पदेन सदस्य रहेका छन् । यस्तै सदस्यहरूमा चन्द्र बहादुर गुरुङ, गीताभक्त जोशी, जयन्तनाथ खनाल, कान्ता भट्टराई, राजु बस्नेत, केदार न्यौपाने र बबिना मोक्तान लावती रहेका छन् ।
निर्वाचनमा देशका सबै जिल्लाबाट सिफारिस भएर आउने उम्मेदवारको नाम छनोट बोर्डले गर्नेछ ।
