आफ्नो शरीर वा शरीरको छालालाई सूर्यको किरणबाट जोगाउनका निम्ति सबैभन्दा राम्रो तरिया भनेको सनस्क्रीन लगाउनु हो । 

तसर्थ घरबाट बाहिर निस्कनुभन्दा आधा घन्टा पहिले आफ्नो शरीरमा सनस्क्रीन लगाउन नभुल्नुहोस् । 

घरबाट बाहिर जाँदा मात्रै हैन, घरभित्र पनि मोस्चराइजर्स गर्ने र सनस्क्रीन लगाउने बानी बसाल्नुहोस् । यसले चर्को घामबाट हुने जलनको प्रभावबाट सुरक्षा दिन्छ । छाला डढ्ने, फुट्ने समस्याबाट सनस्क्रीनको प्रयोगले बचाउँछ । 

अनुहार र शरीरमा कम्तिमा पनि ३० एसपीएफ सनस्क्रीन लगाउन चिकित्सकहरूले सुझाउने गरेका छन् । 

घामबाट बच्नका लागि शरीर पूरै ढाक्ने कपडा लगाउनुहोस् । यसले सूर्यको किरण शरीरमा पर्नबाट रोक्छ । 

सूर्यको चर्को किरणका कारण टाउको दुख्ने समस्या हुने गर्दछ । यसबाट बच्न अनिवार्य क्याप टोपी, ह्याट वा अन्य कुनै पनि प्रकारण्को टोपी लगाउन सकिन्छ । 

भिटामिन डीयुक्त खाना खाएमा पनि चर्को घामबाट शरीरमा हुने प्रभाव कम गर्न सकिन्छ । 

चर्को घामका कारण ओठ पनि फुट्ने समस्या हुन सक्छ । जसकारण समय सयममा ओडमा लीप बाम लगाइरहनु पर्दछ । 

घामबाट बच्नका निम्ति अर्को उपाय भनेको छाता ओढ्नु हो । यसको प्रयोगले अन्य सामानको प्रयोगमा जस्तो साइड इफेक्टको जोखिम रहँदैन ।