×

X
Nic Asia
Dabur
Khukuri

सास्तीमा यात्रु

भाडामा दिनदहाडै ठगिँदै दशैंमा घर जाने यात्रु, विभाग भन्छ– प्रमाणसहित आउनुस्

काठमाडाैं | असोज ९, २०७९

NTC
Argakhanchi Cement
Premier Steels
TVS INSIDE

दशैं नजिकिएसँगै उपत्यकाबाट बाहिरिने यात्रुको चहलपहल बढ्दै गएको छ । काठमाडौंबाट बाहिरिने यात्रुको भीड सार्वजनिक सवारीका टिकट काउन्टरदेखि सवारी साधन छुट्ने स्टेसनसम्ममा बढ्दै गएको छ । यात्रु तत्कालै टिकट लिएर जाने र अनुकुल समयका लागि अग्रिम बुकिङ गर्नेको भीड दैनिकजसो बसपार्कमा बढ्न थालेको छ । 

LAxmi BAnk
nabil BANK inside

सामान्य दिनको तुलनामा यात्रुको चाप हुने र यात्रु जसरी पनि गन्तव्यतर्फ जानैपर्ने बाध्यताका कारण सार्वजनिक सवारी साधनले भने तोकिएको भन्दा बढी भाडा लिने गरेका छन् । काठमाडौंबाट विभिन्न जिल्ला पुग्ने सवारी साधनले यातायात व्यवस्था विभागले तोकेको भन्दा बढी भाडा लिने गरेका छन् । 


Advertisment
RMC TANSEN
cg elex island
NIC ISLAND BOX

सार्वजनिक सवारीले लिन पाउने भाडाको सूची यातायात व्यवस्था विभागले २७ असारमै सार्वजनिक गरेको छ । इन्धनको मूल्यमा ५ प्रतिशतले घटबढ हुँदा भाडा समायोजन गर्न पाउने अधिकार विभागले दिएको छ । इन्धनमा मूल्य बढ्दा भाडा बढाउने र घट्दा घटाउने नीति विभागले लिएको छ । सोही अनुसार २७ असारपछि भाडा समायोजन भएको छैन । तर, सार्वजनिक यातायातले भने दशैंको मौका छोपेर यात्रुसँग बढी भाडा लिएको गुनासो भने बढेको छ । 


Advertisment
Saurya island

काठमाडौंको नयाँ बसपार्कबाट बिहीबार साँझ रामबाबु बैठा बागलुङ जाने तयारीमा थिए । काठमाडौंबाट बाग्लुङ पुग्न १४ सय रुपैयाँको टिकट लिएका बैठा आफू जाने गाडी खोज्न थाले । अघिपछि १२/१३ सयसम्म पाइने टिकट यसपालि उनले १४ सय भन्दा घटीको पाएनन् । ‘घर जान भनेर बसपार्क आइसकियो, अब टिकट महंगो भने भनेर फर्केर जाने कुरा भएन, जानैपर्ने भएकाले १/२ सय बढी परे पनि बाध्यताले टिकट लिएँ,’ बैठाले भने । 

बिहीवार साँझ नै नयाँ बसपार्कमा भेटिएका नेपालगञ्जका भीमबहादुर घर्ती पनि ३ घण्टा अगाडि नै टिकट काटेर बसिसकेका थिए । साँझ ५ बजे छुट्नुपर्ने गाडी ६ बजेसम्म बसपार्क आइपुगेको थिएन । जाममा परेको उक्त सवारी कुरेर बसिरहेका घर्तीले पनि टिकट महंगो परेको गुनासो गरे ।

Vianet communication
IME BANK INNEWS

धर्तीको हातमा सेवा सगरमाथा नामक सवारीलाई २१ सय रुपैयाँ तिरेर लिएको बोर्डिङ पास थियो ।

यातायात व्यवस्था विभागले काठमाडौं नेपालगञ्जको सूचीकृत भाडादर १५२२ रुपैयाँ सार्वजनिक गरेको छ । यसमा स्तरीय डिलक्सले २० प्रतिशत जोडेर १८२७ रुपैयाँसम्म लिने व्यवस्था छ । तर, यो गन्तव्यका लागि सबैजसो सवारी साधनले २१ सय भाडा लिइरहेका छन् । 

बर्दियाका गोपाल रिमालले पनि दशैंअगाडि घर जान २४५० रुपैयाँ तिरेर टिकट लिएका थिए । उनलाई पनि यसपटक टिकट महंगो परेको अनुभूति भइरहेको थियो । दशैंको मौका छोपेर बढी शुल्क लिएको हुनसक्ने बुझाइ रिमालको छ । उनले गन्तव्यमा पुग्नैपर्ने र त्यो भन्दा कममा नपाइने भनेपछि महंगै परे पनि टिकट लिनुपरेको बाध्यता सुनाए ।

अघिपछि एक हजार रुपैयाँमा काठमाडौंबाट जनकपुर जाने गरेकी रिना झाले पनि शनिवार १२ सय रुपैयाँ खर्चिएर यात्रा गरिन् । सामान्य दिनको तुलनामा २ सय महंगो परेको उनले बताइन् ।

दशैंको समय र घर जानुपर्ने भएकाले बढी तिर्न बाध्य भएको उनको भनाइ छ । 

यातायात व्यवस्था विभागले छोटो, मध्यम र लामो दूरीका अन्तरप्रदेश रुटहरूमा कायम भएको भाडादर सार्वजनिक गरेको छ । उक्त भाडादरमा सवारी साधनको रुट, दूरी र पछिल्लोपटक बढेको भाडादर राखेको छ ।

उक्त भाडादर आम सर्वसाधारणले प्रयोग गर्ने सामान्य सवारीको दर भएको यातायात व्यवस्था विभागका प्रवक्ता ईश्वरीदत्त पनेरुले बताए । पनेरुका अनुसार यो भाडादर नर्मल हो । यसमा स्तरीय डिलक्सका सवारीले ब्लुबूकमै स्तर प्रमाणित गराएको हकमा भने थप २० प्रतिशत भाडा लिन पाउने व्यवस्था गरिएको छ । 

विभागले स्तरीय डिलक्स सवारीले थप २० प्रतिशत भाडा लिन पाउने व्यवस्था गरेका छ । सवारी साधनले अहिले दशैैंका लागि लिइरहेको भाडा भने तोकिएको र प्रकाशित सीमाभन्दा २५ प्रतिशतसम्म बढी पाइएको छ । 

विभागका प्रवक्ता पनेरु सामान्य भाडाको तुलनामा डिलक्सले २० प्रतिशत र स्तरीयले अर्को २० प्रतिशत थप गर्न पाउने भएपनि त्यसभन्दा बाहिर गएर भाडा लिन नमिल्ने बताए ।

कसैले तोकिएको सीमाभन्दा बढी भाडा लिएको पाइए कारवाही हुने पनेरुले बताए ।

यस्तो कारवाही विभागले गर्ने अनुगमन र यात्रुले प्रमाणसहित दिने उजुरीका आधारमा हुन्छ । यात्रुले बढी भाडा तिरेको वा ठगिएको गुनासो गरेको अवस्थामा मात्रै विभागले आवश्यक कारवाही गर्न सक्ने उनको भनाइ छ ।

पनेरुले भने, ‘सामान्य सार्वजनिक सवारीले पनि डिलक्स र डिलक्सले सुपर डिलक्सको भाडा लिएको हुन सक्छ । विभागले पनि कुनै गुनासो वा उजुरीविना कारवाही गर्न सक्दैन । बढी भाडा लिएको पाइए विभागले आवश्यक कारवाही पक्कै गर्छ, त्यसका लागि प्रमाणसहित आउनुपर्ने हुन्छ ।’

यातायात व्यवसायी योगेन्द्र कर्माचार्य भने तोकिएको भन्दा बढी भाडा नलिएको दाबी गर्छन् । उनले भने, ‘विगतका वर्षजस्तो बढी भाडा लिने र सिस्टम नबनेको भन्ने छैन । पोहोरभन्दा यो वर्ष राम्रो र यो वर्ष भन्दा अर्काे वर्ष राम्रो सिस्टम बन्दै गएको छ । यात्रु ठगिने र बढी भाडा लिने विषय विगतका वर्षहरूमा हुने गरे पनि अब हुन छाडिसक्यो ।’ यदि कसैले लिएको गुनासो आए नेपाल यातायात व्यवसायी महासंघ र यातायात व्यवस्था विभाग दुबैले कारवाही गर्न सक्ने पनि कर्माचार्यले बताए । 

स्वरोजगार यातायात मजदुर संगठनका अध्यक्ष खड्गबहादुर गिरीले विभागले दिएको सीमाबाहिर गएर भाडा नलिएको बताए । त्यो भन्दा बढी भाडा लिएर जाने सवारी तोकिएको गन्तव्य मात्रै नभएर त्यसभित्रको स्थानीय रूटमा पनि पुगिरहेको तर्क उनको छ ।

गिरीले काठमाडौंबाट पोखरा जाने माइक्रो, डिलक्स, सुपरडिलक्स र पर्यटक सवारी सबैको भाडा फरकफरक भएजस्तै आरामदायी यात्रा गराउने आधारमा भाडा फरक पर्ने बताए ।

 

 

Maruti inside
Mega
NLIC
TATA Below
ncc inside
मंसिर २३, २०७९

‘लोकान्तर राउण्ड अप’ मा पाठकवृन्दलाई स्वागत छ। सधैँझैं आज पनि हामी  बितेका २४ घण्टाका मुख्यमुख्य घटनाक्रमसहित उपस्थित भएका छौँ– निर्वाचन आयोगले निर्वाचनको परिणाम सार्वजनिक गरेसँगै केन्द्र...

मंसिर २२, २०७९

प्रतिनिधिसभामा ६ सिट रहेको सीके राउत नेतृत्वको जनमत पार्टी सरकारमा सहभागी हुन सकारात्मक बनेको छ । बिहीबार बसेको जनमत पार्टीको केन्द्रीय समिति बैठकमा सदस्यहरुले सरकारमा जानुपर्ने धारणा राखेका थिए ।  सर...

मंसिर २२, २०७९

सीमित सिटमा तालमेलबाहेक सत्ता गठबन्धनविरुद्ध एक्लै चुनावी मैदानमा होमिएको नेकपा एमाले तीन वटा प्रदेशसभामा सबैभन्दा ठूलो दल भएको छ । प्रदेश नम्बर १, मधेस प्रदेश र लुम्बिनी प्रदेशसभामा एमाले सबैभन्दा ठूलो पार्टी ...

मंसिर २२, २०७९

स्थायी पूर्वाधारविना लुम्बिनी प्रदेशको अस्थायी मुकाम बुटवलबाट दाङको भालुवाङ (राप्ती उपत्यका) मा राजधानी सार्ने प्रक्रिया शुरू भएको छ । कर्मचारी, राजनीतिक दल र प्रदेश सांसदले अस्थायीबाट अस्थायी संरचनामै राजधान...

मंसिर २३, २०७९

निलम्बित प्रधानन्यायाधीश चोलेन्द्रशमशेर जबराविरुद्धको महाभियोग निस्क्रिय भएको भन्दै संसद सचिवालयका महासचिवले दिएको पत्रका सन्दर्भमा परेको रिटमा शुक्रबार सुनुवाइ हुँदैछ ।  सर्वोच्च अदालत बार एसोसिएसनका पदा...

मंसिर २३, २०७९

चोलेन्द्र शमशेर जबरामाथिको महाभियोग निष्प्रभावी भइसकेको भन्दै संघीय संसद् सचिवालयका महासचिव डा. भरत गौतमले दिएको पत्र तत्काल कार्यान्वयन नगर्न सर्वोच्च अदालतले अन्तरिम आदेश दिएको छ । कायममुकायम प्रधानन्यायाधीश ...

कांग्रेसको सांगठनिक व्यवस्थापन र सुदृढीकरणको प्रश्न : खै जेहेन्दारी प्रदर्शन ?

कांग्रेसको सांगठनिक व्यवस्थापन र सुदृढीकरणको प्रश्न : खै जेहेन्दारी प्रदर्शन ?

मंसिर २३, २०७९

चन्द्रमामा पहिलोचोटि पाइला राखेबापत निल आर्मस्ट्रङ्गलाई अमेरिका मात्र होइन, सम्पूर्ण संसारले सम्मान र इज्जत गर्‍यो । बज एल्ड्रिन र माइकल कोलिन्स पनि सँगै थिए । उनीहरू पनि पहिलो हुन सक्थे तर भएनन् । जब यानबाट...

साउदी अरबमा चिनियाँ राष्ट्रपतिको भव्य स्वागत– बदलिँदो विश्व राजनीतिको संकेत !

साउदी अरबमा चिनियाँ राष्ट्रपतिको भव्य स्वागत– बदलिँदो विश्व राजनीतिको संकेत !

मंसिर २२, २०७९

चीनका राष्ट्रपति सी चिनपिङ बुधवार अपराह्न साउदी अरबको राजधानी रियाद पुगेका छन् ।  सामान्यतया साउदीले आफ्नो सबभन्दा निकटतम साझेदार अमेरिकालाई भव्य स्वागत गर्ने गर्थ्यो भने यसपालि चिनियाँ राष्ट्रपतिलाई त्यस्...

हिन्दूराष्ट्र र आन्दोलित मानसिकता

हिन्दूराष्ट्र र आन्दोलित मानसिकता

मंसिर २२, २०७९

यतिबेला वनकाली सुमार्गी भवनमा वैदिक सनातन धर्मरक्षा राष्ट्रशान्ति विराट महायज्ञ सञ्चालन भइरहेको छ । यही मंसिर १५ गतेबाट शुरू भएको महायज्ञ २३ गते शुक्रवार समापन हुनेछ । वैदिक सनातन धार्मिक महासंघको आयोजनामा भए...

ad
x