मनास्लु हिमालमा सोमवार बिहान हिउँपहिरो गएको छ । पहिरोका कारण एक दर्जन पर्यटक हराइरहेका छन् । मनास्लु हिमाल आरोहणको सिजन भएकोले आधार शिविरमा करिब ५ जना आरोही तथा सहयोगी पुगेका छन् । त्यसमध्ये १२ जना हराएको अनुमान भएको ट्रेकिङ एजेन्सिज एशोसिएसन अफ नेपाल (टान)का अध्यक्ष निलहरि बास्तोलाले बताए । 

अध्यक्ष बास्तोलका अनुसार चुमनुब्री गाउँपालिका–१ स्थित मनास्लु हिमालको आधार शिविरभन्दा माथि तेस्रो र चौथो क्याम्पबाट पहिरो गएको देखिएको छ ।  पहिरोले एक दर्जन पर्यटक तथा नेपाली सहयोगी परेको अनुमान गरिएको भए पनि खोजी र उद्दार कार्य भइरहेको छ । 

के, कति बेपत्ता भएका छन भन्ने विषयमा उद्धार गरेपछि मात्रै थाहा हुने बास्तोलाले बताए । उक्त क्षेत्रमा उद्धारका लागि हेलिकप्टर परिचालन भइसकेको छ । तर, मौसममा आएको खराबीका कारण उद्धार हुन नसक्दा त्यहाँ भएको पर्यटक तथा नेपाली सहयोगी आतंकित भएको पनि बास्तोलले बताए । मौसमले साथ दिनासाथ भटाभट उद्दार हुने पनि उनले बताए ।