×

X
Nic Asia
Khukuri
Daraz

कला

कला र मनोरञ्जन क्षेत्रमा जमेका ‘रियल लाइफ’का चर्चित जोडी, जसको चर्चा हुनेगर्छ !

काठमाडाैं | असोज १६, २०७९

NTC
Argakhanchi Cement
Premier Steels
TVS INSIDE

चलचित्र होस्, या सांगीतिक क्षेत्र । या रंगमञ्च नै किन नहोस् । समग्र कलाकारिता यस्तो क्षेत्र हो, जहाँ ‘रिल’ जोडीलाई दर्शक एवं स्रोताले रुचाउँछन् ।

LAxmi BAnk
nabil BANK inside

‘रिल’मा देखिएको, सुनिएको जोडीलाई ‘रियल’मा पनि संगै देख्ने, सुन्ने चाहाना धेरै दर्शक एवं स्रोतामा रहेको पाइन्छ । तर, वास्तविक जीवनमा भने त्यस्तो एकदमै कम देखिन्छ । यद्यपि, यस्ता केही कलाकार छन्, जसको जोडीलाई पर्दामा दर्शकले निकै रुचाए भने पछि उनीहरू वास्तविक जीवनमा पनि जोडी बन्न पुगे ।


Advertisment
RMC TANSEN
cg elex island
NIC ISLAND BOX

यस्ता कलाकारहरूको संख्या कम भए पनि कलाकारिता क्षेत्रमा आबद्ध ‘कलाकार जोडी’हरू भने धेरै नै छन् । 

पुरानो पुस्तादेखि नयाँ पुस्ताका थुप्रै कलाकारहरू छन्, जसको श्रीमान श्रीमती नै कलाकारिता क्षेत्रमा छन् । अभिनेता भुवन केसी र अभिनेत्री सुस्मिता केसी कुनै बेलाका रियल जोडी थिए ।


Advertisment
Saurya island

यद्यपि, अहिले यिनीहरू छुटिट्टएको धेरै वर्ष भैसकेको छ । यस्तै, गायिका कुन्ती मोक्तान र संगीतकार शिलाबहादुर मोक्तान चर्चित सांगीतिक जोडी हुन् । यता, लोकगायक बमबहादुर कार्की र गायिका शिवा आले कार्की, अभिनेता कृष्ण मल्ल र अभिनेत्री शर्मिला मल्ल, निर्माता सुनिलकुमार थापा र अभिनेत्री झरना थापा, अभिनेता अनुप बराल र अभिनेत्री दिया मास्के लगायतको जोडी एउटै क्षेत्रबाट नाम कमाएको जोडी हो ।

यिनीहरूको जोडीलाई कला क्षेत्रमा चर्चित जोडीका रूपमा लिइन्छ । यस्तै, हास्य कलाकार सीताराम कट्टेल र कुञ्जना घिमिरे, अभिनेता निखिल उप्रेती र अभिनेत्री सञ्चिता लुइँटेल, अभिनेता मुकेश ढकाल र मेलिना मानन्धर, गायक रामचन्द्र काफ्ले र गायिका जुनू रिजाल पनि वास्तविक जोडी हुन् । यिनीहरूको जोडी पनि कला क्षेत्रमा चर्चित जोडी मानिन्छ । गायिका सिन्धु मल्ल, राधिका हमाल, प्रीति आलेको जीवनसाथी पनि सांगीतिक क्षेत्रमै छन् ।

Vianet communication
IME BANK INNEWS

गुमनाम जीवन बाँचिरहेकी लोकदोहोरी गायिका विष्णु माझी र गीतकार एवं संगीतकार सुन्दरमणि अधिकारी चर्चित सांगीतिक जोडी हुन् । 

सुन्दरमणिको सिर्जनामा विष्णु माझीले थुप्रै गीत गाएकी छिन् । यता, विष्णुले स्वर दिएका थुप्रै गीतमा सुन्दरमणिले अभिनय गरेका छन् । 

विष्णु माझीको चर्चित तीज गीत ‘चरी जेलैमा’ सुन्दरमणिकै सिर्जना हो । 

यस्ता थुप्रै कलाकार जोडी छन्, जून जोडीलाई लिएर कलाकारिता क्षेत्रमा निकै चर्चा हुने गरेको छ । स्रोता एवं दर्शकहरूले पनि उनीहरूको जोडीलाई निकै रुचाउने गरेका छन् ।

उनीहरूले एकअर्कालाई साथ दिँदै जीवनसँगै काम र व्यवसाय पनि एकसाथ सँगसँगै अघि बढाइरहेका छन् । केही चर्चित कलाकार जोडीबारे यहाँ जानकारी दिइएको छ । 

निश्चल र स्वस्तिमाको चर्चित जोडी 

चलचित्र क्षेत्रमा निकै चर्चित मानिन्छ, निर्देशक एवं अभिनेता निश्चल बस्नेत र अभिनेत्री स्वस्तिमा खड्काको जोडीलाई । ‘होस्टेल रिटन्र्स’बाट चलचित्र क्षेत्रमा भित्रिएकी स्वस्तिमा र चर्चित चलचित्र ‘लुट’का निर्देशक निश्चल बस्नेतबीच विवाह भएको ६ वर्ष भैसकेको छ । 

केही समयको प्रेम सम्बन्धपछि निश्चल र स्वस्तिमा वैवाहिक सम्बन्धमा बाँधिएका थिए । वास्तविक जीवनका जोडी निश्चल र स्वस्तिमा थुप्रै म्युजिक भिडियोहरूमा समेत सँगै देखिएका छन् । 

युट्यु्बमा सर्वाधिक धेरै हेरिएको गीत ‘कुटुमा कुटु’ गीतमा निश्चल र स्वस्तिमा सँगै प्रस्तुत छन् । ‘नाच फिरिरि’, ‘तातो गोली’, ‘सुन बाटुली’ लगायतका गीत निश्चल र स्वस्तिमा अभिनित हिट गीतहरू हुन् । 

निश्चल र स्वस्तिमाले ‘घामड शेरे’ चलचित्रमा पनि सँगै सहकार्य गरेका छन् । चलचित्र क्षेत्रमा उनीहरूको जोडीलाई निकै सफल र उदाहरणीय जोडीका रूपमा हेरिन्छ । 

प्रियंका र आयुष्मानको जोडी

चलचित्र क्षेत्रको अर्को चर्चित जोडी हो, प्रियंका कार्की र आयुष्मान देशराज जोशीको । यी दुईले २०७६ सालको फागुनमा धुमधामसहित विवाह गरेका हुन् । चलचित्र क्षेत्रकी बोल्ड एवं सफल अभिनेत्रीको छवि बनाएकी प्रियंका र अभिनेता आयुष्मानबीच प्रेम विवाह भएको हो । 

केही वर्षको प्रेम सम्बन्धपछि प्रियंकाले आफूभन्दा कान्छा आयुष्मानसँग दोस्रो विवाह गरेकी थिइन् । यी दुईले ‘कथा काठमाण्डू’, ‘प्रेम दिवस’, ‘चंगा चेट’ लगायतका चलचित्रमा सँगै अभिनय गरेका छन् । उनीहरू म्युजिक भिडियो लगायत विज्ञापनमा समेत एकसाथ देखिएका छन् ।

यतिबेला भने उनीहरू एक छोरीको बाबुआमा बनिसकेका छन् । उनीहरूको छोरी आयन्का कार्की एक वर्षकी भइसकेकी छिन् । आमा बनेपछि प्रियंका चलचित्र अभिनयमा फर्किसकेकी छिन् । 

उनले गत भदौमा आएको चलचित्र ‘राधा’को एक गीतमा नृत्य गरेकी थिइन् । आयुष्मान भने पछिल्लो समय चलचित्रमा देखिएका छैनन् । 

विवाहको तयारीमा रहेका सौगात–सृष्टिको जोडी

चलचित्र क्षेत्रको पछिल्लो चर्चित रियल प्रेम जोडी हो, अभिनेता सौगात मल्ल र पूर्व मिस नेपालसमेत रहेकी अभिनेत्री सृष्टि श्रेष्ठको जोडी । 

यो पाँच वर्षदेखि रिलेसनसिपमा रहेको यो जोडी छिट्टै वैवाहिक सम्बन्धमा बाँधिने तयारीमा छ । सौगात र सृष्टि पछिल्लो समय फिल्ममा समेत सँगै देखिने गरेका छन् । उनीहरूले ‘पोइ पर्‍यो काले’, ‘माइकल अधिकारी’, ‘राधा’ लगायतका चलचित्रमा सँगै काम गरेका छन् । 

वर्षा र संजोगको जोडी

अभिनेत्री वर्षा राउत र व्यवसायीसमेत रहेका अभिनेता संजोग कोइरालाको जोडी चलचित्र क्षेत्रमा चर्चित जोडी मानिन्छ । यी दुईले ७ वर्ष लामो प्रेम सम्बन्धलाई चार वर्षअघि विवाहमा परिणत गरेका थिए ।

प्रेममा हुँदा पनि यी दुईले सार्वजनिक रूपमै आफूहरूको सम्बन्धलाई स्वीकार गर्दै आएका थिए । संजोगले ‘उत्सव’, ‘बाजीगर’, ‘कथा काठमाडौं’ लगायतका चलचित्रमा अभिनय गरेका छन् । 

वर्षा भने चलचित्र क्षेत्रकी चर्चित अभिनेत्री हुन् । उनको नयाँ चलचित्र ‘के घर के डेरा’ कात्तिक ४ गतेदेखि प्रदर्शनमा आउँदैछ । अन्य चलचित्रहरू पनि प्रदर्शनको तयारीमा छन् । वर्षा र संजोगले बेलाबेलामा युट्युबमा पोष्ट गर्ने भ्लगहरूलाई समेत दर्शकहरूले निकै रुचाउँदै आएका छन् । 

यसै वर्ष विवाह गरेका नीता र हरिहर

अभिनेत्री नीता ढुंगाना र चर्चित युवा ज्योतिषि एवं अभिनेता हरिहर अधिकारी यसैवर्षको असारमा वैवाहिक सम्बन्धमा बाँधिएका हुन् । उनीहरू त्यसअघि विगत चार वर्षदेखि प्रेम सम्बन्ध थिए । यद्यपि, सार्वजनिक रूपमा भने प्रेम सम्बन्धलाई स्वीकार गरेका थिएनन् । अन्ततः प्रेमसम्बन्धलाई उनीहरूले दाम्पत्य जीवनमा परिणत गरेका हुन् । 

बालकलाकारको रूपमा केही चलचित्रमा काम गरेकी नीताले अभिनेत्रीका रूपमा थुप्रै चलचित्रमा अभिनय गरेकी छिन् । हरिहरले भने चार वर्षअघि प्रदर्शनमा आएको ‘शुभलभ’बाट चलचित्र क्षेत्रमा डेब्यू गरेका थिए । 

त्यसयता भने उनी अन्य चलचित्रमा देखिएका छैनन् । यतिबेला नीता र हरिहर मिलेर ‘ह्रस्वदीर्घ’ चलचित्र निर्माणको तयारीमा छन् । यो चलचित्रलाई उनीहरूले आफ्नो स्वप्न प्रोजेक्ट बताउँदै आएका छन् । 

लक्ष्मी र जीवनको जोडी

कलाकारिता क्षेत्रको चर्चित जोडी हो, लक्ष्मी बर्देवा र जीवन भट्टराईको जोडी । रंगमञ्चबाट उदाएका उनीहरू चलचित्र एवं म्युजिक भिडियोमा समेत उत्तिकै व्यस्त रहँदै आएका छन् । 

चार वर्षको प्रेम सम्बन्धलाई उनीहरूले २०७४ को फागुनमा विवाहमा परिणत गरेका थिए । उनीहरूको अन्तरजातीय विवाहलाई परिवारले अहिलेसम्म स्वीकारेका छैनन्, यद्यपि उनीहरूको सुन्दर जोडीलाई दर्शक एवं कला क्षेत्रले निकै मन पराउँदै आएको छ । 

लक्ष्मी र जीवनले थुप्रै म्युजिक भिडियो एवं चलचित्रमा समेत एकसाथ अभिनय गरेका छन् । दुवैको अभिनय रहेको चलचित्र ‘प्रेम गीत ३’ यतिबेला प्रदर्शनरत छ । उनीहरूले सँगै म्युजिक भिडियोमा अभिनय गर्नेदेखि निर्देशन समेत गर्दै आएका छन् । 

यी दुईले सँगसँगै अभिनय गरेको ‘जेल पनि सहुँला’, ‘भन साइँला’जस्ता गीतहरू निकै चर्चित छन् । 

संगीतकार अर्जुन पोखरेल र गायिका दुर्गा खरेलको जोडी

सफल सांगीतिक जोडी मानिन्छ, संगीतकार अर्जुन पोखरेल र गायिका दुर्गा खरेलको जोडी । उनीहरूले २०७७ को असारमा प्रेमविवाह गरेका हुन् । 

संगीत विद्यालयमा काम गर्दा उनीहरूबीच प्रेम मौलाउँदै गएको थियो ।  केही वर्षको प्रेम सम्बन्धपछि विवाह गरेका उनीहरू दुवै सांगीतिक क्षेत्रमा सफल मानिन्छन् । अर्जुन त नेपाली चलचित्र क्षेत्रका पछिल्लो समयका सर्वाधिक चर्चित संगीतकार मानिन्छन् । 

उनका दर्जनौं गीतहरू करोड क्लबमा प्रवेश गरेका छन् ।  यता, दुर्गाका पनि थुप्रै गीतहरू सफल छन् । यी दुवै एकअर्काको काममा साथ दिएर सांगीतिक क्षेत्रमा अघि बढिरहेका छन् । 

देवी घर्ती र राजु ढकालको जोडी

लोकदोहोरीतिरको चर्चित सांगीतिक जोडी हो, देवी घर्ती र राजु ढकालको । देवी र राजु वैवाहिक जीवनमा बाँधिएको भने झण्डै १३ वर्ष भैसकेको छ । १४ वर्षअघि २०६५ सालमा देवी र राजु ढकालबीच प्रेम विवाह भएको थियो । त्यतिबेला देवी सांगीतिक क्षेत्रमा स्थापित हुँदै थिइन्, भने राजु लाइभ दोहोरीमा सक्रिय थिए । 

देवीका थुप्रै लोकदोहोरी गीतहरू हिट भए भने राजुका गीतहरूले पनि स्रोताको मन जितेका छन् । लोकदोहोरी क्षेत्रमा देवी र राजुको जोडीलाई उदाहरणीय जोडीका रूपमा लिइन्छ । 

देवी र राजुले एक दर्जन बढी गीतमा सँगै सहकार्य पनि गरेका छन् । उनीहरूको एक ९ वर्षीय छोरा छन् । उनीहरूले सांगीतिक क्षेत्रसँगै काठमाडौं सामाखुशीमा रेस्टुरेन्ट व्यवसाय समेत सञ्चालन गर्दै आएका छन् । 

कमल र मेलिनाकाे आइतवार नै विवाह

गायक कमल खत्री र गायिका मेलिना मैनालीले आइतवार मात्रै विवाह गरेका छन् । उनीहरूले गत भदौमा ‘इन्गेजमेन्ट’ गरेका थिए ।

पछिल्लो समय सांगीतिक क्षेत्रमा कमल र मेलिनाको जोडीलाई पनि चर्चित जोडीका रुपमा लिइन्छ ।

‘आत्मामा’बोलको गीतबाट चर्चामा आएका कमलका थुप्रै गीत चर्चित छन् । उनी सांगीतिक क्षेत्रका चर्चित गायक एवं संगीतकार हुन् । 

मेलिना मैनाली भने उदीयमान गायिका हुन् । उनका पनि केही गीतहरू चर्चित छन् । कमल र मेलिनाले सहकार्य गरेका ‘फिक्का फिक्का’, ‘म गीत हुँ तिम्रो २’ लगायतका गीतहरू चर्चित छन् ।

यी दुईले म्युजिक भिडियोमा समेत सँगै अभिनय गरेका छन् । गीतमा सहकार्य गर्ने क्रममै उनीहरू नजिक भएका थिए ।

Maruti inside
Mega
NLIC
TATA Below
ncc inside
मंसिर ९, २०७९

दुई साथीको मित्रता र त्रिकोणात्मक प्रेमकथामा आधारित चलचित्र ‘मीलन’ आज (शुक्रवार)बाट देशभर प्रदर्शनमा आएको छ ।  टेक पौरखी राईको लेखन तथा निर्देशनमा तयार भएको चलचित्रमा सलोन बस्नेत, कुशल शाह...

मंसिर १०, २०७९

बलिउड अभिनेता तथा गायक आदित्य नारायण झा नेपाल आएका छन् । उनी शुक्रबार साँझ नेपाल आइपुगेका हुन् ।  आज हुने एक साङ्गीतिक कार्यक्रममा प्रस्तुति दिन उनी नेपाल आएका हुन् । गायक झाले त्रिभुवन अन्तर्राष्ट्रिय वि...

मंसिर १०, २०७९

यसवर्षको सफलमध्येको चलचित्र ‘दुई नम्बरी’का निर्माता किरण नेपाली नयाँ चलचित्र निर्माणको तयारीमा जुटेका छन् । निर्माता नेपालीले ‘हात्तीछाप’ नामक चलचित्र निर्माण गर्न लागेका हुन् ।  ...

मंसिर ९, २०७९

साम्राज्ञी राज्यलक्ष्मी शाह र पुष्प खड्का अभिनित फिल्म ‘तिम्रो मेरो साथ’को टिजर सार्वजनिक गरिएको छ । रमेश एमके पौडेलको निर्माण तथा निर्देशन रहेको फिल्म आगामी पुस २९ गतेदेखि देशब्यापी प्रदर्शनमा आउँदैछ ...

मंसिर ९, २०७९

अभिनेता सलोन बस्नेतले प्रेमिका करिश्मा केसीसँग आगामी सोमबार विवाह गर्दैछन् । मंसिर १२ गते हुन लागेको विवाहका लागि दुवै तर्फमा आफन्त र साथीभाइलाई निम्तो कार्ड पुगिसकेको छ ।  सलोन र करिश्माले आफूहरुबीच...

मंसिर ८, २०७९

लोकगायक प्रकाश दुतराज र गायिका भूमिका गिरीले यही शनिवार अस्ट्रेलियाको सिड्नीमा सांगीतिक प्रस्तुति दिँदैछन् । त्यसका लागि उनीहरु बिहीवार नै सिड्नी पुगिसकेका छन् । आयोजक संस्थाका सदस्यले स्वागत गर्दै गरेका तस्वीरहर...

मधेशमा सीके राउतको उदय भयो भनिहाल्नु हतारो हुन्छ : सीके लाल [कुराकानी]

मधेशमा सीके राउतको उदय भयो भनिहाल्नु हतारो हुन्छ : सीके लाल [कुराकानी]

मंसिर ९, २०७९

मधेश आन्दोलनबाट उदाएका राजनीतिक दलहरूको अहिले भएको हार स्वाभाविक नै हो । केही दिनपछि मान्छेमा वितृष्णा आउनु स्वाभाविक नै हो । मधेश आन्दोलनको आक्रोश मत्थर भएको छ । सबै आ-आफ्नै कामधन्दामा लागेका छन् । नुन, तेल,...

जनताको बीचमा रहेर काम गरेकाले मैले चुनाव जित्ने निश्चित छ– परशुराम बस्नेत [कुराकानी]

जनताको बीचमा रहेर काम गरेकाले मैले चुनाव जित्ने निश्चित छ– परशुराम बस्नेत [कुराकानी]

मंसिर १, २०७९

परशुराम बस्नेत प्रदेशसभा सदस्य उम्मेदवार, मोरङ, क्षेत्र नम्बर ६ (ख) म निर्वाचनमा उम्मेदवारी दर्तापछि विभिन्न अभियानमा सहभागी हुनका लागि बिहान ५ बजे उठ्छु । व्यस्तता बढी हुने भएकाले प्रायःजसो राति १ बजे सुत्छु ...

रुपन्देहीका सपनालाई विपनामा बदल्ने नेता विष्णु पौडेल

रुपन्देहीका सपनालाई विपनामा बदल्ने नेता विष्णु पौडेल

कात्तिक ३०, २०७९

डी.आर. घिमिरे पुराना बेठीक नयाँ ठीक भन्ने भाष्य अहिले नेपाली राजनीतिमा खडा गरिएको छ । निर्वाचनका सन्दर्भमा यो कति ठीक हो भन्ने समीक्षा गर्न पाँच वर्ष कुर्नुपर्ने अवस्था छ । तथापि फोहोर बनेको राजनीतिलाई...

ad
x