०५ साउन २०८३, मंगलबार
जसपा नेपालका नेता एवम् पूर्व राज्यमन्त्री शत्रुधन प्रसाद सिंहले पार्टी परित्यागको घोषणा गरेका छन् ।
उनले बुधवार बिहान एक प्रेस विज्ञप्ति जारी गर्दै पार्टी परित्याग गरेको घोषणा गरेका हुन् ।
उनले अत्यन्त भारी मन तथा पीडाबोधका साथ जसपाबाट अलग हुने निर्णय लिएको बताएका छन् ।
उनले केही समययता ५ दलीय गठबन्धनको नाममा पार्टीले मधेशी जनताको भावना विपरित मधेशको अस्तित्व नै धरापमा पार्ने गरि कार्यहरू गरेको र लामो संघर्षपछि बचाइराखेको पार्टीको आस्था र भावना विपरित कार्यकर्ता मन, मस्तिष्कमा पुर्याएको चोट सहन गर्न नसकेकाले पार्टी परित्यागको घोषणा गरेको विज्ञप्तिमा उल्लेख गरेका छन् ।
