दक्षिण कोरियामा अहिले पनि दिनमै ३४ हजार जनाभन्दा बढी कोरोना भाइरसका संक्रमित रहेका पाइएको छ ।

स्थानीय स्वास्थ्य अधिकारीले दिएको जानकारीअनुसार बुधवार मात्र यसअघिको २४ घण्टायता ३४ हजार ७३९ जनामा कोरोनाको संक्रमण भएको पाइएको छ ।

अघिल्लो दिन मात्र १६ हजार जनामा मात्र कोरोनाका संक्रमित पाइएकामा बुधवार ३४ हजारभन्दा बढी देखिएका हुन् । अघिल्लो हप्ता दैनिक करीब २४ हजार जनामा संक्रमण भएको बताइएकोमा बुधवार संख्या वृद्धि भएको हो ।

पछिल्लो दिन कम्तीमा पनि १६ जनाको ज्यान गएको छ । यहाँ हालसम्म कोरोनाबाट २८ हजार जनाभन्दा बढीको कोरोनाले निधन भएको छ ।

कोरोना महामारीको शुरूआतदेखि अहिलेसम्म नै २ करोडभन्दा बढीमा कोरोना संक्रमण भएको बताइएको छ ।