काठमान्डौं, २० साउन – सरकारले देश भर धर्ना तथा जुलुस गर्नेहरूको लागि ठाउँ छुट्याएको छ । गृहमन्त्री जनार्दन शर्माले देशभर नै जुलुस गर्नेहरुलाई स्थान निर्धारण गरिने जानकारी गराएका हुन् ।
बिरोध गर्नेहरुलाई ठाउँ दिएमा राजमार्ग तथा सडकहरु अबरुद्ध नहुने उनको भनाइ थियो । काठमाडौंकोे हकमा शान्ति बाटिकालाई जुलुस गर्ने ठाउँको रुपमा तोकिने उनले जानकारी दिए ।
आन्दोलन गर्नेहरुलाई छुट्याईएको ठाउँमा भौतिक सुबिधा समेत निर्माण गरिने गृहमन्त्री शर्माले बताए । देशभर नै स्पीच कर्नर र धर्ना गर्ने ठाउँ निर्माण गरिने उनले बताए । अब जहाँ मन लाग्यो त्यहा बसेर धर्ना गरेमा कार्बाही गरिने उनले बताए ।
‘देशभर नै राजमार्ग बन्द नगर्ने योजना सहित आन्दोलन गर्ने ठाउँ निर्धारण गर्न खोजिएको हो’ शुक्रवार गृह मन्त्रालयमा आयोजित कार्यक्रममा मन्त्री शर्माले भने, ‘तोकिएको भन्दा अन्यत्र आन्दोलन गर्नेमाथि कार्वाही हुन्छ ।’
