काठमाडौं, २१ साउन— चितवनको भरतपुर महानगरपालिकाको वडा नम्बर १९ को मतगणना जारी छ । ४ सय १ मत गणनाको नतिजा सार्वजनिक हुँदा माओवादीकी मेयर उम्मेद्वार रेणु दाहालले २ सय ४ मत ल्याएकी छिन् । यस्तै नेकपा एमालेका मेयर उम्मेद्वार देवी ज्ञवालीले १ सय ४५ मत प्राप्त गरेका छन् ।
भरतपुर १९ मा शुक्रबार मात्र पुनः निर्वाचन भएको हो भने सो वडामा २ हजार ८ सय ७० मत खसेको थियो । यसअघि वैशाख ३१ गतेको निर्वाचनमा भने २ हजार ८ सय ९७ मत खसेको थियो ।
यस्तै वडा नं.२० मतगणना पनि बाँकी रहेको छ । वडा नं. २० ३ हजार ३ सय २ मत गन्न बाँकी छ । यी दुई वडा गन्नु अघि देवी ज्ञवालीको ४० हजार ९ सय ८० र रेणु दाहालको ४० हजार १ सय ९६ मत रहेको छ ।
शुक्रबार साढे ११ बजेदेखि मतगणना सुरु भएको हो । मतगणनाको अन्तिम परिणाम शनिबार आउने अपेक्षा गरिएको छ ।
