०१ असार २०८३, सोमबार
मकवानपुरमा छुट्टाछुट्टै घटनामा २ जनाको मृत्यु भएको जिल्ला प्रहरी कार्यालयले जनाएको छ ।
जिल्लाको भीमफेदी गाउँपालिकामा अरिंगालको टोकाइबाट १ जनाको मृत्यु भएको छ ।
मृत्यु हुनेमा भीमफेदी गाउँपालिका–६ पारीबजार बस्ने ६२ वर्षीय कुष्णबहादुर स्याङ्तान रहेको प्रहरी नायब उपरीक्षक (डीएसपी) टेकबहादुर कार्कीले जानकारी दिए ।
उनका अनुसार बुधवार दिउँसो स्थानीय काभ्रेडाँडामा गोठालो गएका उनलाई अरिंगालले चिलेर सख्त बनाएकोमा उपचारका क्रममा बिहीवार बिहान चितवनको पपुलर अस्पतालमा मृत्यु भएको हो ।
भीमफेदी–६ जुरिखेतमा भीरबाट लडेर अर्का १ जनाको मृत्यु भएको छ । स्थानीय ३२ वर्षीया समिता रानामगर बुधवार घरदेखि एक किलोमिटर उत्तरतर्फको जंगलमा घाँस काट्न गएकामा भीरबाट लडेर घटनास्थलमै मृत्यु भएको प्रहरी नायब उपरीक्षक कार्कीले बताए ।
मृतक रानामगरको शव परीक्षणका लागि हेटौंडा अस्पतालमा ल्याइएको छ ।
