१० साउन २०८३, आइतबार
नेकपा एसका उपमहासचिव डा.विजय पौडेलले पार्टी अध्यक्ष माधव कुमार नेपाललाई कारबाही गर्न निर्वाचन आयोगले आदेश दिएपछि ज्याजति भएको टिप्पणी गरेका छन् ।
बिहीवार आयोगले जिल्ला प्रहरी कार्यालय रौतहटलाई अध्यक्ष नेपाललाई कारबाहीका लागि सिफारिस गरेपछि उपमहासचिव पौडेलले टिप्पणी गरेका हुन् ।
उनले ट्वीटरमा लेखेका छन्,'स्पष्टीकरण नबुझाउँदै कार्वाहीको आदेश ? यो त ज्यादती भयो ।'
उपमहासचिव पौडेलले आयोगको यो कदम लोकतन्त्रको विरुद्ध रहेको समेत बताएका छन् ।
रौतहट क्षेत्र नम्बर १ का उम्मेदवार समेत रहेका नेता नेपालले मतदाता प्रभावित पार्ने उद्देश्यले फ्री भिसा, फ्री टिकट उपलब्ध गराउने भाषण गरेको सम्बन्धमा आयोगले बिहीवार नै कारवाहीका लागि रौतहट प्रहरीलाई पत्राचार गरेको छ ।
सोही प्रसंगमा उपमहासचिव पौडेलले टिप्पणी गरेका हुन् ।
स्पष्टीकरण नबुझाउदै कार्वाहीको आदेश ? यो त ज्याददति भयो । आयोगको यो कदम लोकतन्त्रको विरुद्ध छ । pic.twitter.com/jXe6yemJAw
— Dr. Vijay Poudel (@drvijaypou) October 20, 2022
