०८ साउन २०८३, शुक्रबार
सत्ता गठबन्धनले आजदेखि संयुक्तरूपमा चुनावी अभियान शुरू गर्दैछ ।
आज गठबन्धनका शीर्ष नेताहरूले पोखरामा आयोजना हुने संयुक्त कार्यकर्ता भेलालाई सम्बोधन गर्दैछन् ।
कार्यक्रममा प्रधानमन्त्री तथा कांग्रेस सभापति शेरबहादुर देउवा, नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’, नेकपा एसका अध्यक्ष माधव नेपाललगायत सहभागी हुने बताइएको छ ।
भेला पोखरा सभागृहमा बिहान ११ बजेबाट तय गरिएको छ ।
देउवा र नेपाल बिहीबार नै पोखरा पुगिसकेका छन् । आजै २ बजे बुटवलमा पनि भेला आयोजना गरिएको छ ।
गठबन्धनले यसअघि काठमाडौं २ र ललितपुरमा संयुक्त चुनावी अभियान सम्पन्न गरिसकेको छ ।
