१२ असार २०८३, शुक्रबार
तिनाउ नदीले बगाउँदा ३ वर्षीय बालकको मृत्यु भएको छ । पाल्पाको तिनाउ गाउँपालिका वडा नम्बर २ का खेमबहादुर सारुका ३ वर्षीय छोरा मायुस सारुको तिनाउ नदीले बगाउँदा आइतवार ज्यान गएको हो ।
जिल्ला प्रहरी कार्यालय पाल्पाका प्रवक्ता प्रहरी नायब उपरीक्षक वीरेन्द्र थापाका अनुसार आइतवार दिउँसो दिदीभाइ नदीमा नुहाउन गएकोमा बालकलाई नदीले बगाएर डेढ किलोमिटर तल पुर्याएको थियो ।
अचेत अवस्थामा फेला परेका बालकलाई उपचारको लागि बुटवलस्थित लुम्बिनी प्रादेशिक अस्पतालमा ल्याएकोमा डाक्टरले मृत घोषणा गरेको प्रहरीले जनाएको छ ।
