२८ जेठ २०८३, बिहीबार
काठमाडौं उपत्यकामा सडक नियम पालना नगर्ने विभिन्न सवारी साधनका १ हजार ८८६ चालक कारबाहीमा परेका छन् ।
मंगलवार मादक पदार्थ सेवन गरेर सवारी साधन चलाउने, लेन मिच्ने लगायतका गतिविधि गर्ने ती चालकहरूलाई कारबाही गरिएको काठमाडौं उपत्यका ट्राफिक कार्यालयले जनाएको छ ।
मंगलवारमात्रै मादक पदार्थ सेवन गरेर सवारी चलाउने २९३ चालक कारबाहीमा परेका छन् ।
यस्तै लेन मिच्ने १५ जना, रेड लाइटमा नरोकिने २५ जना, निशेधित क्षेत्रमा हर्न बजाउने ४४ जना, अन्य १ हजार ४४२ जना र नम्बर प्लेट तोडमोड तथा अष्पष्ट भएकाहरू ६७ जना कारबाहीमा परेका हुन् ।
