सञ्जय दत्त (सञ्जु बाबा) बलिउडका एक यस्ता अभिनेता हुन् जसको ‘अफेयर’का धेरै किस्सा सुनिन्छन् । अहिले सञ्जु बाबा आफ्नी श्रीमती मान्यता दत्त र सन्तानसँग खुसीको जीवन बिताइरहेका छन् । तर, एक समय थियो जब उनको प्रेम जीवनका कथाहरू चर्चामा थिए । 

सञ्जु बाबाको जीवनमा धेरै उतारचढाव आए । चलचित्र ‘खलनायक’ को समयमा पनि यस्तै भएको थियो । फिल्मको सुटिङका क्रममा सञ्जयको व्यक्तिगत जीवनमा निकै हलचल आएको थियो । बिरामी पत्नी ऋचा शर्मा विदेशमा उपचार गराइरहेकी थिइन् । मुम्बईमा पनि अवस्था राम्रो चलिरहेको थिएन । समग्रमा सञ्जय तनावमा थिए । यस्तो अवस्थामा यो फिल्ममा काम गर्दा माधुरी दीक्षितको साथ मिल्यो । उनीहरूको निकटताको निकै चर्चा भएको थियो । त्यतिबेलाका पत्रिकाहरू सञ्जय र माधुरीको ‘कथित अफेयर’को खबरले रंगिन थालेका थिए । यसको प्रत्यक्ष असर उनको परिवारमा परेको थियो ।

भनिन्छ कि माधुरी दीक्षित त्यो अवधिमा सञ्जय दत्तको समर्थन पाएकोमा धेरै खुसी थिइन् । प्रत्येक अन्तरवार्तामा माधुरी, ‘सञ्जु बाबा’को बारेमा राम्रो कुरा मात्र बोल्ने गर्दथिन् र उनलाई आफ्नो मनपर्ने को–स्टार पनि बताउँथिन्। माधुरी दीक्षित र सञ्जय दत्तको अफेयरको चर्चा सञ्जय दत्तकी श्रीमती ऋचा शर्माको कानमा पुगेपछि उनी उपचार बीचमा छाडेर आफ्नो परिवार बचाउन अमेरिकाबाट मुम्बई फर्केकी थिइन् । 

ऋचासँग सञ्जयको नराम्रो व्यवहार 

ऋचा शर्मा मुम्बई आउँदा सञ्जय दत्तले उनको कुरामा ध्यान दिएनन् । यति मात्र होइन, उनी श्रीमती र छोरी त्रिशालालाई लिन एयरपोर्ट पनि नगएको लेखक–पत्रकार यासिर उस्मानको पुस्तक ‘सञ्जय दत्तः द क्रेजी अनटोल्ड स्टोरी अफ बलिउड ब्याड ब्वाय’ मा उल्लेख छ । सञ्जयले माधुरीसँग बिहे गर्ने खबर पनि आएको थियो । किताबमा यो पनि उल्लेख छ कि ऋचाले सञ्जयलाई सोधेकी थिइन्, ‘के तिमी मसँग डिभोर्स गर्न लागेका छाैँ, तब सञ्जयले स्पष्टसँग भनेका थिए, ‘होइन’ । 

जब ऋचाले ज्यान गुमाइन्

रोचक कुरा के छ भने सञ्जयले ऋचा शर्मासँग विवाह गर्न निकै प्रयास गरेका थिए । तर, सञ्जय दत्तले माधुरी दीक्षितसँगको निकटताको खबरलाई अस्वीकार गरेका थिए । ऋचाको बिमारी बढ्दै गएपछि उपचारको लागि अमेरिका गइन् र यसैक्रममा सञ्जय जेलमा परेपछि ऋचाको अवस्था बिग्रियो र अन्ततः १० डिसेम्बर १९९६ मा उनको मृत्यु भयो ।

ऋचाकी बहिनीको माधुरीमाथि गम्भीर आरोप 

ऋचा शर्माकी बहिनी अन्ना शर्माले पनि माधुरी दीक्षितलाई ‘हाउस ब्रेकर’ अर्थात् ‘घर भँडुवा’ भनेकी थिइन् । सिनेब्लिट्ज म्यागजिनलाई दिएको अन्तर्वार्तामा उनले माधुरीमाथि गम्भीर आरोप लगाएकी थिइन् । उनले अन्तरवार्तामा भनेकी थिइन्, ‘माधुरी मानिस होइन, ढुंगाको मुटु हो, उसले जुनसुकै मानिस भेट्टाउने भए पनि मेरी बहिनीसँग दुव्यर्वहार गर्ने त्यस्तो मानिससँग कसरी जान सक्छे ।’