०१ असार २०८३, सोमबार
सुर्खेतमा वनभोज खान गएका २ किशोर भेरी नदीमा बेपत्ता भएका छन् । पौडी खेल्ने क्रममा उनीहरू बगेर बेपत्ता भएका हुन् ।
बेपत्ता हुनेमा वीरेन्द्रनगर नगरपालिका–३ का १८ वर्षीय दीपक थापा र १८ वर्षीय चन्द्र बिसी छन् । जिल्ला प्रहरी कार्यालयका अनुसार उनीहरूको समूह भेरीगंगा नगरपालिकाको सत्तरी नजिकै वनभोज खान गएको थियो ।
बेपत्ता खोजी गर्न नेपाल प्रहरी र सशस्त्र प्रहरीको टोली घटनास्थलमा गएको छ ।
