१७ असार २०८३, बुधबार
भारतको गुजरातस्थित पुल भाँचिदा मृत्यु हुनेको संख्या ९१ पुगेको छ ।
मोर्बी शहरस्थित माचु नदीमा भएको पुल भाँचिदा सयौं मानिसहरू नदीमा खसेर डुबेका छन् ।
बिहानसम्ममा ९१ जनाको मृत्यु भएको पुष्टि भएको जी न्युजले जनाएको छ ।
बीबीसीका अनुसार उक्त पुलमा दुर्घटना हुने बेला करिब ४ सय मानिसहरू त्यहाँ थिए ।
करिब एक शताब्दी पुरानो यो पुल पछिल्लो समय मर्मतपछि सर्वसाधारणका लागि खुला गरिएको केही दिनमै भाँचिएको बताइएको छ ।
गृहप्रान्त गुजरात रहेका भारतीय प्रधानमन्त्री नरेन्द्र मोदीले उक्त घटनाप्रति दु:ख व्यक्त गर्दै तत्काल कदम चाल्ने बताएका छन् ।
प्रधानमन्त्री राहत कोषबाट मृतकका आफन्तलाई २ लाख र घाइतेलाई ५० हजार रुपैयाँ राहत दिने घोषणा गरिएको छ ।
गुजरातका मुख्यमन्त्री भूपेन्द्र पटेलले पनि दुर्घटनामा ज्यान गुमाउनेका परिवारलाई ४ लाख र घाइतेलाई ५० हजार रुपैयाँ राहत दिने घोषणा गरेका छन् ।
