२२ जेठ २०८३, शुक्रबार
बलिउडका कैयौं अभिनेत्रीहरुले आफ्नो अभिनयको बलमा लामो समयसम्म मानिसको मनमा राज गरिसकेका छन् ।
मानिसहरु यी नायिकाहरुको फिल्मको उत्सुकताका साथ प्रतीक्षा गर्थे तर पछि यस्तो समय आयो जब यी नायिकाहरुले भारत छोडेर विदेशमा आफ्नो नयाँ घर बनाएर बसे ।
यी मध्ये यहाँ केही अभिनेत्रीहरूको चर्चा गरिएको छ।
प्रियंका चोपडा
यो लिस्टमा पहिलो नाम प्रियंका चोपडाको छ । प्रियंकाले आफ्नो करियरमा अहिलेसम्म धेरै सुपरहिट फिल्ममा काम गरिसकेकी छिन् । बलिउडमा नाम कमाएपछि प्रियंकाले अचानक विदेशमा बस्ने निर्णय गरिन् । प्रियंका हालसम्म हलिउडका धेरै प्रोजेक्टमा देखिइसकेकी छिन् । निक जोनससँग विवाह गरेपछि उनी प्रायः अमेरिकामै बस्छिन् । हालै प्रियंका तीन वर्षपछि भारत फर्किएकी छिन् ।
प्रीति जिन्टा
बलिउडमा डिम्पल गर्ल भनेर चिनिने प्रीति जिन्टाले अहिलेसम्म धेरै ब्लकबस्टर फिल्म दिएकी छिन् । लामो समय फिल्ममा काम गरेपछि उनले जीन गुडइनफसँग विवाह गरिन् । यस विवाहपछि उनी श्रीमान्सँग अमेरिकामा बसिन् ।
रम्भा
यो सूचीमा रम्भाको नाम पनि परेको छ । हालै उनी दुर्घटनाको खबरका कारण चर्चामा आएकी थिइन् । सलमान खान र गोविन्दाजस्ता फिल्मस्टारसँग काम गरिसकेकी रम्भा पनि बिहेपछि फिल्मी दुनियाँबाट टाढिएर विदेशमा बसेकी छिन् । उनले एनआरआई व्यापारी इन्दर कुमारसँग विवाह गरेकी हुन् । उनी आफ्नो परिवारसँग क्यानडामा बस्छिन् ।
मिनाक्षी शेषाद्री
मीनाक्षीले ९० को दशकमा धेरै सुपरहिट फिल्ममा काम गरिसकेकी छिन् । फिल्म दामिनी उनको यादगार फिल्म मध्ये एक हो । फिल्ममा सफलता हासिल गरेपछि उनले सन् १९९५ मा हरिश मसुरसँग विवाह गरिन् । यस विवाहपछि उनी अमेरिकामा बस्न थालिन् । जानकारीका अनुसार उनी हाल टेक्सासको प्लानो सहरमा बस्छिन् ।
