०९ साउन २०८३, शनिबार
नेकपा एमालेका उपाध्यक्ष विष्णु पौडेलले मंसिर ४ गतेको चुनावपछि आफ्नै पार्टीको नेतृत्वमा सरकार बन्ने दाबी गरेका छन् ।
चुनाव पछि जसपा र राप्रपालाई समावेश गरेर एमालेले सरकार बनाउने उनको भनाइ थियो ।
रुपन्देही क्षेत्र नम्बर २ अन्तर्गत बुटवलको देवीनगरमा शनिवार आयोजित चुनावी सभालाई सम्वोधन गर्दै उपाध्यक्ष पौडेलले चुनाव पछि एमालेको नेतृत्वमा सरकार बन्ने दावी गरेका हुन् ।
‘देशलाई अधोगतीमा जान नदिनको लागि देशमा फेरि एकपटक एमालेको नेतृत्वको सरकार जरुरी भइसकेको छ’, पौडेलले भने, ‘मंसिर ४ पछि एमालेको नेतृत्वमा सरकार बन्छ, केपी ओलीले सरकारको नेतृत्व गर्नु हुन्छ ।’
पौडेलले विगतमा गरेको कामका आधारमा रुपन्देहीबाट एमालेले फराकिलो मतअन्तरले चुनाव जित्ने बताए ।
