१६ असार २०८३, मंगलबार
आर्यन खानले अहिलेसम्म फिल्ममा पाइला टेकेका छैनन् तर उनको हैसियत कुनै स्टारभन्दा कम छैन ।
शाहरुख खानका छोरा भएकाले उनी बाल्यकालदेखि नै चर्चामा छन् ।
आर्यनले आज आफ्नो २५ औं जन्मदिन मनाइरहेका छन् ।
उनका फ्यानहरुले सामाजिक सञ्जालमा जन्मदिनको शुभकामना दिइरहेका छन् ।
आर्यनको जन्म सन् १९९७ मा मुम्बईमा भएको थियो ।
आर्यनको पढाइ विदेशमा मात्रै भएको छ ।
उनकी बहिनी सुहाना छिट्टै फिल्ममा प्रवेश गर्न लागेपनि आर्यन भने अभिनय जगतबाट टाढा छन् ।
यद्यपि उनले युनिभर्सिटी अफ साउथ क्यालिफोर्नियाबाट फिल्म मेकिंगको कोर्स गरेका छन् ।
यस बाहेक उनले तेक्वान्दोमा ब्ल्याक बेल्ट समेत हासिल गरेका छन् ।
