१२ साउन २०८३, मंगलबार
इजयरायलका एक अर्बपतिको तेल ट्यांकरमाथि ओमानको तटमा बम बोकेको एक ड्रोनबाट आक्रमण गरिएपछि इरान र इजरायलबीचको तनाव थप चर्किने संकेत पाइएको छ ।
मंगलवार राति उक्त घटना भएको हो ।
लाइबेरियाको झण्डा भएको तेल ट्यांकर पसिफिक जिर्कोनमाथि आक्रमण भएको हो । उक्त ट्यांकरलाई सिंगापुरमा रहेको ईस्टर्न पसिफिक शिपिङले सञ्चालन गर्छ र त्यस कम्पनीका मालिक इजरायली अर्बपति इदान ओफर हुन् ।
ईस्टर्न पसिफिक शिपिङले ग्यास र तेल बोकेको ट्यांकरलाई एक प्रोजेक्टाइलले हानेको जनाएको छ ।
घटनामा हताहतीको कुनै विवरण आएको छैन । यसअघि इजरायलीहरूसँग जोडिएका जहाजमा भएका आक्रमणको दोष इरानमाथि लगाउने गरिएको थियो ।
