काभ्रे २७ साउन– काठमाडौंबाट सिन्धुलीतर्फ जाँदै गरेको ना १ ज ७५७६ नम्बरको टटा सुमो (जिप) र काभ्रेको भकुण्डेबेसीबाट बनेपातर्फ आउँदै गरेको बस एक आपसमा ठोक्किँदा सुमोमा सवार सातजना यात्रु घाइते भएका छन् ।
बीपी राजमार्ग अन्तर्गत बेजिङ प्लान्ट भन्ने ठाउँमा शुक्रवार उक्त घटना भएको जिल्ला प्रहरी प्रमुख सहकुल बादुर थापाले जानकरी दिए । घाइतेको अहिले धुलिखेल अस्पतालमा उपचार भैरहेको प्रहरीले जनाएको छ ।
घाइते हुनेमा सुमोमा सवार घनस्याम बस्नेत, भुमिका लामा, सबिना राई, बिना राई ,राजु नेपाली, चन्दन कार्की र दुर्गा प्रसद खडका रहेका छन् ।
यो सडकमा अहिले दैनिक रुपमा दुर्घटना हुने गरेको प्रहरीले जनाएको छ । सुमोको तीब्र गतिको कारण दुर्घटना भएको स्थानीय बताएका छन् ।
