नवलपरासी पश्चिम–१ बाट नेपाली कांग्रेसका विनोद चौधरी निर्वाचित भएका छन् । ५ दलीय गठबन्धनका साझा उम्मेदवारसमेत रहेको चौधरी जनप्रगतिशील पार्टीका हृदयेश त्रिपाठीलाई पराजित गर्दै विजयी बनेका हुन् । 

बिहीबार राति आएको अन्तिम मत परिणामअनुसार चौधरीले २९ हजार ४९५ मत पाएका छन् भने उनका निकटतम प्रतिस्पर्धी जनता प्रगतिशील पार्टीका हृदयेश त्रिपाठीले २२ हजार ३०८ मत पाएका छन् ।

चौधरीले ५ दलीय गठबन्धनको साथ पाउँदा त्रिपाठीलाई नेकपा एमालले समर्थन गरेको थियो । तेस्रो स्थानमा रहेका नेपाल स्वतन्त्र पार्टीका महेन्द्र सेन ठकुरीले १२ हजार ४९९ मत प्राप्त गरेको निर्वाचन अधिकृतको कार्यालये जनाएको छ ।