२८ जेठ २०८३, बिहीबार
गर्भावस्थाको फोटो खिचेर सामाजिक सञ्जालमा पोस्ट गर्ने प्रचलन बढ्दै गएको छ । पाकिस्तानकी चर्चित कलाकार अरमीना राणा खानले गर्भावस्थाको फोटो पतिसँग खिचेर सामाजिक सञ्जाल इन्स्टाग्राममा राखेपछि उनलाई ‘धर्म विरोधी’ भनेर कमेन्ट आएका छन् ।
हलिउडको नक्कल गरेको भन्दै कतिपयले सामाजिक सञ्जालमा उनको विरोध गरेका छन् । तर कलाकार खानले भने यस्तो कमेन्ट गर्नेलाई उल्टै जवाफ फर्काएकी छन् ।
उनले भनेकी छन्, ‘जति मान्छे मेरो फोटो देखेर चिढिएका छन्, म साँच्चै भन्दैछु – म धेरै जोरसँग हाँसेकी छु । विचराहरू !’
उनले अब आफ्नो सुत्केरी अवस्थाबारे पनि जानकारी दिने बताएकी छन् । उनले भनिन्, ‘केही व्यक्ति विना कारण यसलाई मुद्दा बनाउँदैछन् तर यसको धर्मसँग कुनै लिनुदिनु छैन ।’
