२० असार २०८३, शनिबार
रुसले सोमवार युक्रेनमाथि क्षेप्यास्त्रको वर्षा गरेको छ । आफ्नो भूमिमा रहेको एयरफील्डमा युक्रेनले आक्रमण गरेको भन्दै जवाफमा रुसले क्षेप्यास्त्र प्रहार गरेको हो ।
रुसी क्षेप्यास्त्रका कारण युक्रेनका कतिपय क्षेत्रमा पानी तथा बिजुलीको आपूर्ति बन्द भएको थियो । किर्भी रिह शहरमा कम्तीमा एकजनाको ज्यान पनि गएको छ भने जापोरिजामा कम्तीमा दुईजना मारिएको स्थानीय अधिकारीहरूले बताएका छन् ।
एउटा क्षेप्यास्त्रको टुक्राटाक्री युक्रेनी सीमा पार गरेर मोल्दोभामा पनि पुगेको छ ।
युक्रेनी वायुसेनाले ६० भन्दा बढी रुसी क्षेप्यास्त्रहरू रोकिएको बताएको छ । तर अन्य क्षेप्यास्त्रहरू लक्ष्यमा पुगेर संरचना नष्ट गरेका छन् । किर्भी रिह र ओडेसा शहरमा पानी र बिजुली कटौती भएको छ ।
रुसको रक्षा मन्त्रालयका अनुसार, युक्रेनले सोमवार रुसका दुईवटा सैन्य एयरफील्डमा ड्रोन आक्रमण गरेको थियो ।
