२७ असार २०८३, शनिबार
हरिवंश आचार्य स्टारर फिल्म ‘महापुरुष’ले प्रदर्शनको ५१ औं दिन मनाएको उपलक्ष्यमा निर्माण टिमले केक काटेर सेलिब्रेशन गरेको छ ।
प्रदीप भट्टराईको लेखन एवं निर्देशन रहेको फिल्मले शनिबार राजधानीसहित मोफसलका केही हलमा प्रदर्शनको गौरवमय ५१ औं दिन मनाएको हो ।
उक्त उपलक्ष्यमा निर्माण टिमले शनिबार राजधानीमा एक कार्यक्रमकाबीच केक काटेर ५१ औं दिनको सेलिब्रेशन गरेको छ ।
कार्यक्रममा फिल्मको निर्माण टिमसँगै सञ्चारकर्मीहरूको उपस्थिति थियो ।
कात्तिकको ११ गतेदेखि प्रदर्शनमा आएको फिल्ममा हरिवंशसँगै मदनकृष्ण श्रेष्ठ, गौरी मल्ल, रविन्द्र सिंह बानियाँ, अरुण क्षेत्री, राजाराम पौडेल लगायतको अभिनय छ ।
रविन्द्र सिंह बानियाँ कार्यकारी निर्माता रहेको फिल्मको निर्माता म्याक्स दिपेश खत्री हुन् ।
अहिलेको डिजिटल समयमा पनि फिल्मले ५१ औं दिन मनाउँदा निर्माण टिम खुशी देखिएको थियो ।
