१७ असार २०८३, बुधबार
एक सांसद चार महिनाको छोरी काखमा च्यापेर आफू सांसद पदमा निर्वाचित भएको प्रमाणपत्र लिन आएकी छन् । निर्वाचन आयोगले आइतवार समानुपातिक सांसदहरूलाई प्रमाणपत्र वितरणको कार्यक्रम तय गरेको थियो ।
राष्ट्रिय प्रजातन्त्र पार्टीबाट निर्वाचित सांसद बिना जैसवाल चार महिनाको छोरी काखमा बोकेर वीरन्जबाट सांसद पदमा निर्वाचित भएको प्रमाण पत्र लिन आएकी हुन् । उनले निर्वाचन आयोगको केन्द्रीय कार्यालय कान्तिपथमा पुगेर प्रमाणपत्र लिएकी छन् । राप्रपाले उनलाई महिला क्लष्टरबाट समानुपातिक सांसद बनाएको थियो ।
उनले सांसदको प्रमाणपत्र लिन १० दिनअघि काठमाडौं आएको बताइन् । उनले सानो बच्चासँग काठमाडौं आएर विभिन्न कार्यक्रममा सहभागी भइरहँदा गार्हो भइरहेको बताइन् । उनले गार्हो भए पनि देशको लागि, समाजको लागि काम गर्न पाउँदा उत्साहित रहेको बताइन् । ‘गार्हो भए पनि आफ्नो छोरीजस्तै धेरैको भविश्य उज्जवल बनाउन योगदान गर्न पाउँदा खुसी लागेको छ’ उनले भनिन् ।
सांसद बिनाले यसअघि आफू राजनीतिमा नरहेको बताइन् । गत वैशाखमा सम्पन्न स्थानीय तहको निर्वाचनबाट मात्र आफू राजनीतिमा प्रवेश गरेको उनले बताइन् । उनी यसअघि स्थानीय तहको निर्वाचनमा समेत उम्मेदवार बनेकी थिइन् । त्यसबेला पराजित भएकी उनलाई पार्टीले समानुपातिक सांसद बनाएको हो ।
