०६ असार २०८३, शनिबार
अर्जेन्टिनालाई विश्वकप जिताएका लियोनल मेसीलाई उनको क्लब पेरिस सेन्ट जर्माँ (पीएसजी) ले सम्झौता अवधि लम्ब्याउने अपेक्षा गरेको छ ।
सन् २०२३ को जुन ३० मा पीएसजीसँग मेसीको सम्झौता सकिँदैछ । त्यसैले उनलाई क्लबमै राखिरहनका लागि व्यवस्थापन पक्षले कोशिश बढाएको छ ।
मेसीले विश्वकप जितेको हेर्नका लागि पीएसजीका अध्यक्ष नासेर अली–खिलाफी लुसेल स्टेडियम पुगेका थिए । मेसीलाई बधाई दिने क्रममा अली–खिलाफीले उनको भविष्यका विषयमा कुरा गर्ने एक बैठकमा उपस्थित हुन अनुरोध गरेको बुझिएको छ ।
विश्वकप जित्नुअघि नै मेसीले आफ्नो नम्र व्यवहार तथा प्रतिबद्धताका साथ पीएसजी व्यवस्थापनलाई प्रभावित पारिसकेका थिए । पीएसजीले मेसी र किलियन एम्बाप्पे आफ्नो क्लबबाट खेलिरहून् भनी अपेक्षा गरेको छ ।
मेसी क्लबमा रहँदा च्याम्पियन्स लीग तथा बालोन डी’ओरमा क्लबको नाम जोडिन सक्ने भएकाले उनलाई राख्न हत्ते गरिएको हो ।
