प्रतिनिधिसभाका सांसदहरूको शपथ ग्रहणअघि संसद् भवन नयाँ बानेश्वरमा सर्वदलीय बैठक शुरू भएको छ । 

ज्येष्ठ सदस्य पशुपति शमशेर जबराले बोलाएको बैठकमा प्रतिनिधिसभामा प्रतिनिधित्व गर्ने दलका प्रतिनिधिहरू सहभागी भएका छन् ।

बुधबार दिउँसो १ बजे प्रतिनिधिसभाका सांसदहरूको शपथ ग्रहण कार्यक्रम राखिएको छ । 

प्रतिनिधिसभाका २७४ सांसदलाई ज्येष्ठ सदस्य जबराले शपथग्रहण गराउनेछन् । जबरालाई राष्ट्रपति विद्यादेवी भण्डारीले मंगलबार शीतल निवासमा शपथ ग्रहण गराएकी थिइन् ।

सांसदहरूको शपथ ग्रहण कार्यक्रमपछि संसद् भवन परिसरमै सांसदहरूको सम्मानमा चियापान कार्यक्रम राखिएको छ ।