०५ साउन २०८३, मंगलबार
नेकपा (माओवादी केन्द्र)का अध्यक्ष पुष्पकमल दाहाल 'प्रचण्ड'ले संविधानको धारा ७६ (२) अन्तर्गतको प्रधानमन्त्रीमा दाबी पेश गरेका छन् ।
शुरूमा १५४ सांसदको हस्ताक्षरको पत्र बोकेर पुगेका प्रचण्डलाई थप १५ सांसदको समर्थन जुटेको छ। अब प्रचण्डको समर्थनमा १६९ सांसद पुगेका छन् ।
अन्तिममा जसपा अध्यक्ष उपेन्द्र यादव तथा स्वतन्त्र सांसदहरू प्रभु साह, किरण साह र अमरेश सिंहले पनि प्रचण्डलाई समर्थन गर्दै हस्ताक्षर गरेका हुन् ।
जसपाका १२ सांसद छन् । यता अमरेश भने कांग्रेसबाट टिकट नपाएर बागी उम्मेदवारका रूपमा निर्वाचित भएका थिए ।
यसअघि एमालेका ७८, माओवादीका ३२, रास्वपाका २०, राप्रपाका १४, जनमतका ६ र जनमुक्तिका ४ सांसदले प्रचण्डलाई समर्थन गरिसकेका थिए ।
हेर्नुहोस्, प्रचण्डले पेश गरेको दाबी :
