नेकपा एमालेका तर्फबाट सरकारमा उपाध्यक्ष विष्णु पौडेलले नेतृत्व गर्ने भएका छन् ।

प्रधानमन्त्री प्रचण्डलगत्तै एमालेबाट पौडेलसहित ४ जनाले शपथ लिने तय भएको हो । पौडेल उपप्रधान तथा अर्थमन्त्री बन्नेछन् ।

एमालेबाट राजेन्द्र राई, दामोदर भण्डारी र ज्वालाकुमारी शाह पनि मन्त्री बन्नेछन् । 

उनीहरूको मन्त्रालय टुंगो लागेको छैन ।

२०७२ सालमा ओली पहिलोपटक प्रधानमन्त्री रहेको समयमा पौडेलले ल्याएको बजेटको प्रशंसा भएको थियो ।

ओली दोस्रोपटक प्रधानमन्त्री रहेको समयमा पनि पौडेल अर्थमन्त्री बनेका थिए । त्यतिबेला पनि पौडेलले ल्याएको बजेटको प्रशंसा भएको थियो ।

पौडेल अर्थमन्त्री बन्ने संकेत मात्रले पनि सोमवार शेयर बजारमा सकारात्मक संकेत देखिएको छ ।