०५ साउन २०८३, मंगलबार
अर्जेन्टिनाका फूटबल खेलाडी एमिलियानो मार्टिनेजले लगातार जिस्क्याइरहेको भए पनि आफूले त्यसलाई वास्ता नगरेको फ्रान्सेली खेलाडी किलियन एम्बाप्पेले बताएका छन् ।
विश्वकपको फाइनलमा अर्जेन्टिनाले फ्रान्सलाई हराएपछि मार्टिनेजले एम्बाप्पेलाई लगातार गिज्याइरहेका छन् ।
कहिले उनी एम्बाप्पको अनुहार टाँसिएको पुतली बोकिरहेको देखिन्छन् भने कहिले उनले एम्बाप्पेको नाममा एक मिनेट मौनधारण गर्ने भनेका छन् ।
यस विषयमा पत्रकारहरूले सोध्दा एम्बाप्पेले भने, ‘उनीहरूको खुशियालीबाट मलाई कुनै समस्या छैन । यस्ता बेकारका रूपमा म आफ्नो ऊर्जा खर्च गर्दिनँ । म अहिले क्लबका लागि उत्कृष्ट प्रदर्शन गर्न चाहन्छु । हामी मेसी फर्किने प्रतीक्षा गरिरहेका छौं । उनले क्लबमा आएर गोल गर्ने अनि खेल जिताउने प्रतीक्षामा हामी छौं ।’
