०२ साउन २०८३, शनिबार
कञ्चनपुरकी निर्मला पन्तको बलात्कारपछि भएको हत्या प्रकरणको अनुसन्धान फेरि हुने भएको छ । राष्ट्रिय स्वतन्त्र पार्टीका सभापति रवि लामिछाने गृहमन्त्री भएर आएपछि सो घटनाको फेरि अनुसन्धान गर्न डीआईजी दुर्गा सिंहको नेतृत्वमा समिति गठन गरिएको हो ।
समितिमा सीआईबीका एसपी कमल थापा र मनोचिकित्सक डा. राजेश दत्त सदस्य रहेको प्रहरी प्रधान कार्यालयले जनाएको छ । २०७५ साउन १० मा कञ्चनपुरको भीमदत्त नगरपालिकास्थित उल्टाखामकी निर्मलाको बलात्कार हत्या भएको थियो । निर्मला हत्या प्रकरणको लामो अनुसन्धान भएपनि हालसम्म वास्तविकता पत्ता लाग्न सकेको छैन ।
लामिछानेले पदभार ग्रहण गरेपछि निर्मला पन्तको हत्याबारे न्यायिक छानबिन गर्ने पहिलो निर्णय गरेका थिए । सोही अनुसार समिति बनेको बताइएको छ । निर्मलाको हत्यामा संलग्न दोषीलाई कारबाहीको दायरामा ल्याउन निरन्तर माग हुँदै आएको छ ।
