१७ असार २०८३, बुधबार
प्रहरी कार्यालय झापाले अवैध रुपमा गिटी बालुवा उत्खनन् गर्ने दुई ट्याक्टरसहित चालकलाई शुक्रबार नियन्त्रणमा लिएको छ ।
प्रहरी कार्यालयका प्रवक्ता तथा सुचना अधिकारी वसन्त पाठकका अनुसार प्रहरी चौकी बाहुनडाँगीबाट खटिएको प्रहरी टोलीले जिल्ला झापा मेचीनगर नगरपालिका वडा नं. ३ स्थित निन्दा खोलाबस्ने २० वर्षीय सागर तामाङले चलाएर ल्याएको प्रदेश १–०१–००१ त ८९४२ नम्बरको ट्याक्टर नियन्त्रणमा लिएको छ ।
त्यस्तै, सोही स्थान बस्ने २२ वर्षीय सुजन धिमालले चलाएर ल्याएको प्रदेश १–०१–००१ त ८३१७ नम्बरको ट्याक्टरले अबैध रुपमा गिटी बालुवा उत्खनन् गरिरहेको अबस्थामा फेला पारी चालकहरुसहित नियन्त्रणमा लिइएको प्रवक्ता पाठकले बताए । पक्राउ परेका चालकलाई आवश्यक कारवाहीका लागि मेचिनगर नगरपालिकाको कार्यालयमा बुझाइएको उनले बताए ।
