२८ जेठ २०८३, बिहीबार
नारायणगढको नारायणी नदी किनारमा सञ्चालित १४ औँ संस्करणको चितवन महोत्सवमा माघे संक्रान्तिका दिन अत्यधिक भीड लागेको छ । माघे सङ्क्रान्ति पर्व परेका कारण महोत्सवमा सबैभन्दा बढी भीड लागेको आयोजक संस्था उद्योग वाणिज्य संघ चितवनले जनाएको छ ।
महोत्सव टिकट व्यवस्थापन समिति संयोजक राजन पियाका अनुसार आइतबार करिब ७० हजार दर्शकले महोत्सव अवलोकन गरे । “यस संस्करणको चितवन महोत्सवमा आज सबैभन्दा बढी भीड देखियो” पियाले भने, “महोत्सव अवलोकनकर्ताको चाप धेरै भएपछि आज हामीले टिकट काट्ने ठाउँ र प्रवेशस्थल समेत थप गर्नुप¥यो ।”
महोत्सव प्रवेशका लागि सात स्थानबाट टिकट वितरण गरिएको उल्लेख गर्दै पियाले एक नम्बर गेटका सबै ढोकासँगै गेट नम्बर २ र गेट नम्बर ३ बाट समेत अवलोकनकर्तालाई महोत्सव प्रवेशको व्यवस्था गरिएको जानकारी दिए ।
चिसो मौसमको प्रवाह नगरी महोत्सवमा अवलोकनकर्ताहरु सहभागी भएपछि आफूहरु उत्साहित भएको पियाको भनाइ छ । आज सोमबार पनि बजारहरु बन्द रहने भएकाले महोत्सवमा दर्शकको भीड हुने अपेक्षा आयोजकको छ ।
