राकुटेन भाइबरले दुई प्रमुख शुरुवातहरू घोषणा गरेको छ।

नयाँ प्रस्तावहरूमा बिजनेस इनबक्स र खोजी गर्न मिल्ने कमर्सियल एकाउन्ट समावेश छ, जुन भाइबरको दीर्घकालीन सुपरएप रणनीतिको अर्को चरण बन्ने जनाएको छ। 

अनुसन्धान रिपोर्टहरूका अनुसार ७१५ उपभोक्ताहरूले कम्पनीहरूले व्यक्तिगत अन्तरक्रियाहरू प्रदान गर्ने अपेक्षा गर्छन् र ८२५ संस्थाहरुले गुणदायी ग्राहकमुखी नीतिमार्फत अझ राम्रो सेवा प्रदान गर्ने रणनीति ल्याएको छ।

ब्राण्ड -प्रयोगकर्ता सञ्चारलाई बढावा दिने उद्देश्यले भाइबरले ब्राण्ड र प्रयोगकर्ताको सञ्चारलाई अझ प्रभावकारी बनाउने उद्देश्यले, विश्वव्यापी रूपमा बिजनेस इनबक्स प्रस्तुत गरेको छ।

जुन एक व्यक्तिको नियमित च्याट स्क्रिनबाट सिधै पहुँचमा पुगी प्रयोगकर्ता अन्तरक्रियाका लागि एक समर्पित ठाउँ बन्नेछ।

यस सुविधाले आधिकारिक ब्राण्ड एकाउन्टहरूबाट सबै बिजनेस मेसेजहरूलाई एक फोल्डरमा भण्डारण र व्यवस्थित गर्न अनुमति दिन्छ (जस्तै बैंक सूचना, डेलिभरी सेवाबाट अर्डर पुष्टि, स्टोरबाट विशेष अफर, आदि)।

प्रयोगकर्ताले आफ्नो पहिलो बिजनेस मेसेज प्राप्त गरेपछि बिजनेस इनबक्स सक्रिय हुनेछ।

विगतमा व्यवसायहरूसँग कुराकानी गरेका प्रयोगकर्ताहरूका लागि, सुविधा जारी भएपछि व्यवसायहरूसँगका सबै च्याटहरू स्वचालित रूपमा व्यापार बिजनेस इनबक्समामा सर्नेछन्।

बिजनेस इनबक्स फोल्डर च्याट सूचीमा सिर्जना भएपछि सबै बिजनेस मेसेजहरू पूर्वनिर्धारित रूपमा त्यहाँ जानेछन्।

बिजनेस इनबक्सले प्रयोगकर्ताहरूलाई आफ्नो भाइबर अनुभवलाई कस्टमाइज गर्न र ब्राण्डहरूसँगको अन्तरक्रियालाई सुविधाजनक तरिकाले व्यवस्थित गर्न दिनेछस्

एकै समयमा व्यवसायबाट नवीनतम अपडेटहरू फेला पार्न सरल हुने गरी फोल्डरलाई च्याट स्क्रिनको शीर्षमा पूर्वनिर्धारित रूपमा पिन गरिनेछ र बिजनेस मेसेजहरू व्यक्तिगत च्याटहरूसँग मिसिने छैनन्।

बिजनेस इनबक्सले ग्राहक सेवा सुधार गर्न, ब्राण्ड संलग्नता बढाउन, र रूपान्तरण ड्राइभ गर्न ब्राण्ड र प्रयोगकर्ताहरू बीच थप प्रभावकारी सञ्चार सक्षम गर्ने जनाइएको छ।

नयाँ कमर्सियल एकाउन्ट राम्रो ग्राहक अनुभवका लागि अर्को कदम हो, जहाँ प्रयोगकर्ताहरूले एकै ठाउँमा ब्राण्डसँग संलग्न हुने सबै तरिकाहरू पत्ता लगाउन सक्षम हुनेछन्। यसले सबै व्यापारसम्बन्धी जानकारी, सेवाहरू, र भाइबरमा च्याटहरू एउटै खोजयोग्य व्यवसायिक निकायअन्तर्गत होस्ट गर्नेछ। 

नयाँ खोजीयोग्य कमर्सियल एकाउन्टहरूले प्रयोगकर्ताहरूलाई थप शक्ति प्रदान गर्नेछ। विभिन्न ब्राण्डहरु फेला पार्ने मात्र नभई , सक्रीय रुपमा सञ्चार पनि सुरु गर्न सकिने छ। कमर्सियल एकाउन्टहरूले ग्राहकको अनुभवलाई पनि सुधार गर्नेछस् भाइबरमा कुनै व्यवसायसँग जोडिन चाहने प्रयोगकर्ताहरूले आफूलाई मनपर्ने च्यानल छनोट गर्न र एपभित्रै मिनी(वेबसाइट अनुभवको आनन्द पनि लिन सक्नेछन्। यसैबीच, ब्राण्डहरूले ग्राहकहरूसँग आफ्नो सञ्चारलाई सुव्यवस्थित गर्नेछन् र सहज ग्राहक अनुभव सिर्जना गर्नेछन्।

भाइबरले प्रक्षेपण पछि कमर्सियल एकाउन्टहरूको क्षमता विस्तार गर्न जारी राख्नेछ,प्रयोगकर्ताहरूको सहजताका लागि अझै बडी च्यानलहरू उपलब्ध गराई, सिंगल एकाउन्ट अन्तर्गत अझ थप सेवाहरु जस्तै बुकिङ, लोकेसन, व्यवसाय कल इत्यादीको बिस्तार हुनेछ। यस वर्षको उत्तरार्धमा एपले साना तथा मझौला व्यवसायहरुलाई थप व्यवसाय प्रबर्धनको अवसर प्रदान गर्नेछ।

बिजनेस इनबक्स र कमर्सियल एकाउन्टको साथमा, भाइबरले व्यवसायमा संलग्न हुँदा प्रयोगकर्ताको सुरक्षा र विश्वासलाई अझ बढाउने लक्ष्य राखेको छ। प्रमाणित ब्राण्डहरूका सबै बिजनेस मेसेजहरू पूर्वनिर्धारित बिजनेस इनबक्समा जानेछन्, जुन व्यवसायको प्रतिरुपण गर्न खोज्ने निजी एकाउन्टहरुका लागि पँहुच योग्य हुने छैन। ‘निलो टिक’ को मूल्यवान समावेशका कारण प्रयोगकर्ताहरुलाई प्रमाणित ब्राण्डहरुको पहिचान गर्न मद्दत गर्दछ। कमर्सियल एकाउन्टहरूले सबै व्यापारिक जानकारी एकै ठाउँमा प्रदर्शन गर्नेछ। 

“सुपर एपको रुपमा यो माइलस्टोन अपडेट भाइबरको अर्को कदम हो जसले सबै ब्राण्ड–प्रयोगकर्ता माझ सञ्चार र अन्तरक्रियाहरूका लागि सुविधाजनक वन–स्टप–शपको रूपमा काम गर्दछ। यो अन्य सुपर एप सुविधाहरुको आधार हुनेछ जसले प्रयोगकर्तालाई एपको महत्त्व बढाउन र ब्राण्डहरुले आफ्नादर्शक सँग जोडिन थप तरिकाहरु विस्तार गराउनेछ,' राकुटेन भाइबरका सीईओ ओफिर इयाल भन्छन्, 'थप सुविधा तथा सेवाहरु, र सञ्चारका थप च्यानलहरू भनेकै प्रयोगकर्ताहरू र ब्राण्डहरूका लागि थप महत्त्वको विषय हुनेछ।'

यी दुई सुविधाहरू विश्वव्यापी रूपमा जनवरी २३, २०२३ देखि उपलब्ध हुनेछन्।