२२ जेठ २०८३, शुक्रबार
अमेरिकाले क्युबा, निकारागुआ, भेनेजुएला र ६ अन्य दक्षिण अमेरिकी मुलुकहरूलाई आफूसँग भएको पुरानो रुसी हतियार युक्रेनलाई उपलब्ध गराउन आग्रह गरेको छ ।
त्यसको साटो अमेरिकाले आफ्ना अत्याधुनिक हतियार उनीहरूलाई दिने प्रतिज्ञा गरेको छ ।
एटलान्टिक काउन्सिललाई गत साता अन्तर्वार्ता दिँदै अमेरिकी सेनाको दक्षिणी कमान्डकी कमान्डर जनरल लाउरा रिचार्डसनले यो कुरा गरेकी हुन् ।
युक्रेनी सेनालाई पुरानो सोभियतकालीन हतियार चलाउन सजिलो लाग्ने हुनाले अमेरिकाले संसारका विभिन्न मुलुकबाट त्यस्ता हतियार बटुल्ने प्रयास गरिरहेको छ ।
उक्त अन्तर्वार्तामा रिचार्डसनले दक्षिण अमेरिकी मुलुकहरूसँग अमेरिकाको व्यापारका विषयमा पनि चर्चा गरेकी थिइन् । अमेजन नदीको ताजा पानी लगायतका आर्थिक स्रोतमा अमेरिकाको दाबीका बारेमा पनि उनले कुरा राखेकी थिइन् ।
उक्त क्षेत्र प्राकृतिक स्रोतमा धनी भएको र अमेरिकालाई त्यो स्रोत चाहिएको उनको भनाइ छ ।
The U.S. wants to take Russian military equipment from Russia’s Latin American allies and "donate it to Ukraine". pic.twitter.com/ghmjfGav1X
— Kawsachun News (@KawsachunNews) January 21, 2023
