भारतका योगगुरु बाबा रामदेवले बिहीवार देशको गणतन्त्र दिवसका अवसरमा पाकिस्तानका बारेमा विवादास्पद बयान दिएका छन् । 

पाकिस्तान छिट्टै नै चार टुक्रामा बाँडिने र सानो देश बन्ने उनको भनाइ छ । बलुचिस्तान, पाकिस्तानअधीस्थ कश्मीर (पीओके) र पञ्जाब बेग्लै राज्य अनि पाकिस्तान छुट्टै राज्य बन्ने उनले दाबी गरे । 

पीओके भारतमा विलय हुने अनि बलुचिस्तानले पनि आफैं भारतसँग मिसिन निवेदन दिने पनि रामदेवले बताए । 

त्यसबाहेक पनि बाबा रामदेवले अन्य टिप्पणी गरेका छन् । हिन्दू सनातन धर्मलाई अपमान गर्ने गरी धार्मिक आतंकवाद चलिरहेको उनको भनाइ छ । 

धर्मशास्त्र तथा महापुरुषहरूको चरित्रमा लाञ्छना लगाउनेहरू भारतविरोधी तथा अन्तर्राष्ट्रिय शक्तिको कठपुतली भएको उनको आरोप छ ।