०५ साउन २०८३, मंगलबार
टुर्किये (टर्की) मा सोमवार आएको ७.८ म्याग्निच्युडको भूकम्पमा परी सयौं मानिसको ज्यान गएको छ ।
भूकम्पका झड्काहरू टुर्कियेदेखि सिरियासम्म अनुभव गरिएका थिए । दुवै देशमा कैयौं घर भत्किएका छन् र विशाल संख्यामा मानिसहरू भग्नावशेषमा पुरिएका छन् ।
अहिलेसम्म एक हजारजनाको ज्यान गइसकेको अनुमान गरिएको छ र यो संख्या बढ्न सक्ने बताइएको छ ।
भूकम्पको केन्द्रविन्दु दक्षिणपूर्वी टुर्किये हो र त्यो सिरिया नजिक छ ।
वर्षौंदेखि युद्धका कारण थिलथिलो बनेको सिरियालाई भूकम्पको कहरले सताएको छ ।
टुर्कियेको गाजीआनटेप शहर र सिरियाको अलेप्पो शहर भूकम्पबाट बढी प्रभावित छन् ।
टुर्कियेका १० शहरमा बढी क्षति पुगेको र त्यहाँ धेरै भवनहरू भत्किएको गृहमन्त्री सुलेमान सोयलुले बताएका छन् ।
उद्धार तथा राहत कार्यहरू जारी छन् ।
