१० असार २०८३, बुधबार
दोलखामा ट्याक्टर दुर्घटना हुँदा एक जनाको मृत्युु भएको छ । तीन जना घाइते भएका छन् । विगु गाउँपालिका ४ लादुकमा सोमबार दिउँसो करिब १ बजे ट्याक्टर दुर्घटना भएको हो । सिंगटी लादुक सडकखण्ड अन्तर्गत चित्रेस्थित रमिते गोलाईमा ढुंगा लोड गरेको ट्याक्टर दुर्घटना हुँदा २४ वर्षीय किसन सार्कीकोे मृत्युभएको जिल्ला प्रहरी कार्यालय दोलखाका प्रहरी निरीक्षक राजेश सिग्देलले बताए ।
दुर्घटनामा जिवन नेपाली (२५), रामबहादुर नेपाली (२३) र सुरज खत्री (१८) घाइते भएको सिग्देलले जानकारी दिए । गम्भीर घाइते भएका सार्कीलाई थप उपचारका लागि सिँगटीबाट काठमाडौं पठाउने क्रममा बाटोमै उनको मृत्यु भएको प्रहरीले जनाएको छ । पोष्टमार्टमका लागि उनको शव पशुपति चौलागाँई स्मृति अस्पतालमा राखिएको प्रहरीले बतायो ।
घाइतेहरुको सिंगटीमा उपचार भइरहेको प्रहरीको भनाइ छ । दुर्घटनाको बारेमा प्रहरीले थप अनुसन्धान गरिरहेको सिग्देलले जनाए ।
