लुुम्बिनी प्रदेशको विना विभागीय मन्त्रीको रुपमा शपथ लिएकी कृष्णा केसीलाई आन्तरिक मामिला, कानुन तथा सहकारी मन्त्रालयको जिम्मेवारी दिइएको छ । 
उनले जिम्मेवारी नपाएपछि राजीनामा दिएको चर्चाका बीच मुख्यमन्त्री लीला गिरीले कानुनमन्त्री बनाएका हुन् । प्रदेश मन्त्रिपरिषद्मा उनको वरीयता छैटौँ स्थानमा रहेको छ ।

आजै माओवादी केन्द्रका नेता सुदर्शन बरालले केसीले राजीनामा दिएको बताएका थिए । तर मुख्यमन्त्रीको सचिवालयले भने राजीनामा पत्र आइनसकेको बताएको थियो । 

माओवादीको केन्द्रीय कमिटी सदस्य समेत रहेकी केसी नेकपा माओवादी केन्द्रबाट निर्वाचित सांसद हुन् । उनी बाँकेबाट निर्वाचित भएकी हुन् ।