×

NIC ASIA

सन्दर्भ : राष्ट्रपति चुनाव

राष्ट्रपतिमा ओलीले सहयोग माग्नुभएको छ, मेरोबारे निर्णय भएको छैन: महन्थ ठाकुर [अन्तर्वार्ता]

फागुन ७, २०७९

Prabhu Bank
NTC
Premier Steels

मुलुक यतिबेला राष्ट्रपति निर्वाचनमा केन्द्रित छ ।

Muktinath Bank

फागुन २५ गतेका लागि तोकिएको निर्वाचनले वर्तमान सत्ता गठबन्धनलाई नै प्रभावित पार्न सक्ने चर्चा छ ।


Advertisment
RMC TANSEN
IME BANK INNEWS
shivam ISLAND

भावी राष्ट्रपतिका रूपमा विभिन्न नामहरूमाथि चर्चा भइरहेको छ । लोकतान्त्रिक समाजवादी पार्टी (लोसपा)का अध्यक्ष महन्थ ठाकुर पनि राष्ट्रपतिको निर्वाचनमा उम्मेदवार हुनसक्ने भनेर चर्चामा रहेका पात्र हुन् ।


Advertisment
Nabil box
Kumari

नेकपा एमाले र नेपाली कांग्रेसले आ-आफ्नै उम्मेदवार उठाउने तयारी गरिरहेका बेला लोसपाले ठाकुर साझा उम्मेदवार हुनसक्ने भन्दै दाबी गरिरहेको छ । त्यस्तो त लोसपासँग निकै न्यून मतभार छ । सोही कारण ठाकुर स्वयं पनि राष्ट्रपति बन्नेमा आशावादी देखिन्नन् ।

Vianet communication

राष्ट्रपति निर्वाचन र समसामयिक राजनीतिक विषयमा लोकान्तरकर्मी अजयअनुरागीले लोसपा अध्यक्ष ठाकुरसँग कुराकानी गरेका छन् । प्रस्तुत छ, कुराकानीको सम्पादित अंश : 

लोसपाका तर्फबाट तपाईंलाई राष्ट्रपतिको उम्मेदवार बनाउने भनेर चर्चा गरिएको छ । तपाईं पनि राष्ट्रपतिको उम्मेदवार हो?

– अहिलेसम्म पार्टीमा त्यस विषयमा कुनै छलफल तथा निर्णय भएको छैन । भोलि-पर्सितिर पार्टीको बैठक बस्छ । त्यसमा छलफल भएर निर्णय हुन्छ । अहिले पार्टीका साथीहरूले आफ्नै हिसाबले भनिरहनुभएको हो ।

तपाईं आफूलाई चाहिँ उम्मेदवार बन्छु भन्ने लाग्छ कि लाग्दैन ?

– अब त्यो त कसरी भन्ने ? पहिले त उम्मेदवारी मनोनयनको समय आउनुपर्‍यो, तब मात्र उम्मेदवारी दिने कि नदिने भनेर निर्णय गर्छौं ।

तपाईंको उम्मेदवारीका लागि लोसपाले अन्य दलहरूसँग छलफल तथा परामर्श गरिरहेको छ कि छैन?

– सामान्य किसिमले हाम्रा साथीहरूले कुराकानी गरिरहनुभएको छ । तर, मैले कुनै पनि पार्टीसँग त्यस्तो औपचारिक वा अनौपचारिक कुराकानी गरेको छैन ।

प्रधानमन्त्री पुष्पकमल दाहाल 'प्रचण्ड'लाई विश्वासको मत दिनुभएको थियो । तर सभामुख र उपसभामुखको निर्वाचनमा कांग्रेस उम्मेदवारलाई मत दिनुभयो। राष्ट्रपति तथा उपराष्ट्रपति निर्वाचनमा पनि कांग्रेसतर्फ नै हो तपाईंहरूको झुकाव ?

– मैले अघि नै भनिसकें, यस विषयमा कांग्रेससँग पनि  केही कुरा भएको छैन । 

तर, नेकपा एमालेका अध्यक्ष केपी शर्मा ओलीले आफ्नै गाडीमा राखे तपाईंलाई बालकोट लग्नुभएको थियो । ओली निवास बालकोटमा तपाईंहरूबीच के कुराकानी भयो ?

– केही खास कुरा भएन । ओलीजीले राष्ट्रपति निर्वाचनमा हामीलाई समर्थन गर्नुस् भनेर भन्नुभयो । संख्यात्मकरूपमा कुनै परिणाम दिने हाम्रो संख्या छैन भनेर मैले जवाफ दिएँ । उहाँले होइन, तपाईंसँग जे जति मत छ, त्यति नै भए पनि हाम्रो उम्मेदवारलाई दिनुस् भन्नुभयो । त्यसपछि मैले तपाईंको उम्मेदवार को हो भनेर सोधें । उहाँले उम्मेदवार पछि तोक्छु भन्नुभयो । एमालेले उठाउने उम्मेदवारलाई तपाईंको सहयोग चाहिन्छ भन्नुभयो ।

प्रधानमन्त्री पुष्पकमल दाहाल 'प्रचण्ड'ले राष्ट्रिय सहमतिको आधारमा राष्ट्रपतिको साझा उम्मेदवार हुनुपर्छ भनेर भनिरहनुभएको छ । त्यस विषयमा तपाईंको धारणा के हो ?

– सहमतिको आधारमा साझा उम्मेदवार भइदिए राम्रै हुन्छ। तर, अहिले नै त्यसमा त के भन्ने ? निर्वाचन हुन्छ । सबैले आ-आफ्नो उम्मेदवार उठाउने तयारी गरेका छन् । को–को उम्मेदवार हुने हो त्यो त फागुन १३ गतेपछि नै थाहा हुन्छ ।

प्रधानमन्त्री प्रचण्डलाई के भनेर विश्वासको मत दिनुभएको थियो र अहिले फेरि प्रतिनिधि सभामा किन विपक्षीको बेन्चमा बस्नुहुन्छ?

– अहिलेसम्म हाम्रो कुनै पनि दलसँग गठबन्धन छैन। प्रतिनिधिसभाको चुनावको समयमा मधेश प्रदेशमा नेपाली कांग्रेससँग एउटा समझदारी भएको थियो, त्यतिसम्म मात्र हो। अहिले हामी कांग्रेससँग कुनै गठबन्धनमा छैनौं। पछि के हुने हो त्यो त भविष्यमा नै थाहा हुन्छ । प्रधानमन्त्रीमा प्रचण्डजीलाई मत दिएको हो। हामीले मात्र होइन, नेपाली कांग्रेसले पनि भोट दियो नि ! राष्ट्रिय परिस्थिति नै त्यस्तो बन्यो।

प्रधानमन्त्री प्रचण्डले तपाईंहरूसँग भोट माग्नुभएको थियो कि तपाईंहरूले आफैं भोट दिनुभएको हो?

– उहाँले भोट माग्नुभएको थिएन। हामीले आफैं दिएको हो।

राष्ट्रपति निर्वाचनको विषयमा प्रधानमन्त्री प्रचण्डले केही कुरा गर्नुभएको छैन?

– प्रचण्डजी प्रधानमन्त्री हुनुहुन्छ । उहाँलाई अहिले हाम्रो कुनै आवश्यकता नै छैन ।

तपाईंहरूलाई सरकारमा ल्याउन पनि उहाँले केही प्रयास गर्नुभएन ?

– अहिलेसम्म त्यस्तो केही कुरा गर्नुभएको छैन । सरकारमा जान त प्रधानमन्त्रीजीले भन्नुपर्‍यो । उहाँले अहिलेसम्म केही भन्नुभएको छैन ।

एमाले अध्यक्षले राष्ट्रपतिमा मत माग्ने बेलामा सरकारमा आउनुस् भन्नुभएन ?

– सरकारमा आउनका लागि ओलीजीले पहिले नै भनिसक्नुभएको छ । उहाँले सरकारमा एउटा मन्त्री दिने भनेर हामीसँग कुरा गर्नुभएको थियो। तर, त्यस अनुसार उहाँले वचन पूरा गर्नुभएन । अहिले  साथीहरूले मानेको छैनन्, पछि हेरौंला भन्नुभयो। त्यस विषयमा अहिले थप कुराकानी भएको छैन । 

जनता समाजवादी पार्टीले उपराष्ट्रपति दाबी गरिरहेको छ। सत्ता गठबन्धनमा माओवादीले उपराष्ट्रपति पाउने कुरा छ। जसपाले उपराष्ट्रपति पाए तपाईंको समर्थन हुन्छ कि हुँदैन? 

– जसपाले अहिलेसम्म त्यस विषयमा हामीसँग कुनै कुरा गरेको छैन। 

मधेशबाट आएका राजनीतिक दलहरू धेरै नै कमजोर भएका छन्। मधेशको सवालमा जसपा, लोसपा, जनमत र नागरिक उन्मुक्ति पार्टीबीच मोर्चाबन्दी वा कार्यगत एकताको सम्भावना छ ?

– त्यो सबै सम्भावना छ । कुराकानी पनि भइरहेको छ । तर, कुनै नतिजा आइसकेको छैन ।

महन्थ ठाकुर राष्ट्रपतिको उम्मेदवार बने हामी सहयोग गर्न तयार छौं भनेर जसपाका अध्यक्ष उपेन्द्र यादवले लोकान्तरसँगको अन्तर्वार्तामा भन्नुभएको थियो । तपाईंहरूबीच केही कुराकानी भएको छ कि ?

– यस विषयमा उहाँसँग कुनै कुरा भएको छैन । त्यसका लागि त उहाँले कुरा गर्नुपर्‍यो नि ! उहाँको विचार के हो भन्ने विषयमा तपाईंहरूलाई नै बढी थाहा होला । मलाई यस विषयमा केही जानकारी छैन । 

तपाईं आफैंले पहलकदमी लिनुपर्ने हैन र ?

– उहाँ (उपेन्द्रजी) कुराकानी गर्न तयार हुनुहुन्छ भने कसले रोकेको छ ? हामीले त रोकेका छैनौं । उहाँ यदि तयार हुनुहुन्छ भने कुरा गरे भइहाल्यो ।

कुराकानी भयो भने सहकार्य या पार्टी एकताकै पनि कुरा हुनसक्छ कि ?

– एजेन्डा हाम्रो एउटै हो । भेट्न, कुराकानी गर्न कुनै समस्या हुनु भएन । कुनै ठूलो कुरा होइन, चाह्यो भने पार्टी नै एकता हुनसक्छ । जसपा त पहिले पनि हाम्रो कमन नाम नै थियो नि ! पछि हामी अलग भएको हो । त्यसैले कुराकानी गर्न केहीले रोक्दैन ।

राष्ट्रपतिको रूपमा तपाईं आफै उम्मेदवार हुने परिस्थिति बन्यो भने तपाईंले पनि त जसपा, जनमत लगायतसँग भोट माग्नुपर्ला । त्यसैले कुराकानीको शुरूआत तपाईंले गर्नुपर्ने हैन ?

– (हाँस्दै) त्यस्तो परिस्थिति बन्यो भने त तपाईंहरूले पनि थाहा पाइहाल्नुहुन्छ नि ! तपाईंको शुभकामना छ भने त्यसका लागि धन्यवाद छ ।

मधेश प्रदेशमा जसपाका मुख्यमन्त्रीलाई लोसपाले विश्वासको मत दिएको थियो। सरकारमा पनि सहभागी हुने कुरा थियो, अहिले किन सहभागी हुनुभएन ?    

– होइन, हामी त अहिले त्यहाँ विपक्षमा नै बसेको हो । मत त दियौं तर त्यसपछि सहकार्यका विषयमा कुनै कुराकानी भएन ।

मधेशमा तपाईंहरू कमजोर भइसक्नुभएको छ । अब कसरी अगाडि बढ्नुहुन्छ ?

– हामी कमजोर भएका छैनौं । हाम्रो मुद्दा कमजोर भएको छैन ।

hAMROPATRO BELOW NEWS
TATA Below
जेठ १९, २०८०

​​संघीय संसद्को बजेट अधिवेशन प्रारम्भ भई संवैधानिक प्रबन्धअनुसार दुवै सदनको संयुक्त बैठकमा यही जेठ १५ गते नेपाल सरकारका अर्थमन्त्रीबाट आर्थिक वर्ष २०८०/८१ को वार्षिक आय–व्यय (बजेट) प्रस्तुत भइसकेको छ । ...

बैशाख २५, २०८१

जनता समाजवादी पार्टी (जसपा) नेपालका अध्यक्ष उपेन्द्र यादवले पार्टी फुटाउनेहरू अरू कसैको स्वार्थको गोटी बनेको बताएका छन् । अमेरिका भ्रमण सकेर सोमबार फर्किएका यादवले  देश र जनताको हितका लागि नभएर अरू कस...

पुस ३, २०८०

बैतडीको झुलाघाटदेखि पाँचथरको चिवाभञ्ज्याङसम्म मध्यपहाडी यात्रा सकेर नेकपा एमालेको नेतृत्व काठमाडौं फर्किएको छ । संसद्को प्रमुख प्रतिपक्षी दल एमालेको नेतृत्वले मध्यपहाडी यात्राका दौरान सरकारको चर्को आलोचना गरेक...

बैशाख ३०, २०८१

मधेश प्रदेशमा जनता समाजवादी पार्टी नेपालका सरोजकुमार यादव नेतृत्वको सरकार अल्पमतमा परेको छ । सत्ता साझेदार प्रमुख घटक नेकपा एमाले र नेकपा माओवादी केन्द्रले आइतवार मन्त्री फिर्ता बोलाउँदै सरकारलाई...

जेठ १६, २०८०

नेकपा एमाले संसदीय दलका उपनेता सुवास नेम्वाङले आफूलाई नेपालको संसदीय अभ्यासमा अनुभवी र अभिभावकीय छवि बनाउन सफल भएका छन् । तत्कालीन संविधानसभा अध्यक्षसमेत रहेका नेम्वाङले संविधानसभासहित छ पटक व्यवस्थापिका&nd...

चैत ३, २०८०

लेखक एवं निर्देशक प्रदीप भट्टराईका जति फिल्म प्रदर्शनमा आएका छन्, ती सबैले दर्शकको माया र समीक्षकबाट प्रशंसा पाएका छन् । ‘जात्रा’, ‘जात्रै जात्रा’, ‘शत्रुगते’ र ‘महापुरुष...

सत्ताबाट अवकाश पाएको कांग्रेसलाई आएको नयाँ अवसर

सत्ताबाट अवकाश पाएको कांग्रेसलाई आएको नयाँ अवसर

जेठ ७, २०८१

यतिबेला नेपालको राजनीति बहुचर्चित सहकारी प्रकरण र यसमा संलग्न व्यक्तिउपर छानबिन तथा कारबाहीका लागि संसदीय समिति गठन हुने कि नहुने भन्ने विषयमा केन्द्रित छ । यो विषय यति पेचिलो हुनुको कारण बहालवाला गृहमन्त्री...

प्रकृतिको गीत

प्रकृतिको गीत

जेठ ५, २०८१

सृष्टिमा हरेक चीजको एउटा अति हुन्छ, जसलाई हामी सीमा भन्ने गर्छौँ, जलाई उसले आउँदा सँगै लिएर आएको हुन्छ र जेजति गर्छ यसैभित्रै रहेर गर्छ । अति पार गर्नासाथ उसको अस्तित्व पनि समाप्त हुन पुग्छ । अति पार गरेपछि नदी...

दक्षिणपन्थ र अवसरवादको चाङबाट माधव नेपालको छटपटी !

दक्षिणपन्थ र अवसरवादको चाङबाट माधव नेपालको छटपटी !

जेठ २, २०८१

नेपाली कम्युनिस्ट आन्दोलन कतिपटक विभाजन भयो ? पुनः एकता, मोर्चा गठन, विघटनलाई हेर्दा यसको जोडघटाउको लामै शृङ्खला बन्छ । र, त्यसमा मूलधारको राजनीतिबाट विभाजित कम्युनिस्ट पार्टी अर्थात् वामपन्थी पार्टीहरूको विसर्...

x