०५ साउन २०८३, मंगलबार
टर्की (टुर्किये) मा भूकम्प गएको १२ दिनपछि पतिपत्नीको एक जोडीलाई उद्धार गरिएको छ ।
भवनको भग्नावशेषमा उनीहरू २९६ घन्टा पुरिएका थिए ।
किर्गिजस्तानबाट गएको एक खोजी टोलीले समिर मुहम्मद अक्कर र उनकी पत्नी रागदालाई अन्टाक्या शहरको भवनबाट उद्धार गरेका हुन् । उनका १२ वर्षीय छोरालाई पनि निकालिएको आनाडोलु समाचार संस्थाले खबर दिएको छ ।
उनीहरूलाई सथनीय समयअनुसार शनिवार बिहान साढे ११ बजे उद्धार गरी एम्बुलेन्समा राखिएको थियो ।
उद्धार टोलीले दुई मृत बालकको शरीर फेला पारेको थियो । उनीहरू समिर र राग्दाकै सन्तान थिए ।
उद्धार गरिएका बालकको पनि पछि अस्पतालमा मृत्यु भएको थियो । शरीरमा पानीको अभावका कारण ती बालकको मृत्यु भएको हो ।
पछि समिरले आफू कसरी भूकम्पमा बाँचेको भनी विवरण सुनाए । आफ्नै पिसाब पिएर बाँचेको उनको भनाइ छ ।
छोराछोरीको आवाज दुई वा तीन दिन सुनेको तर त्यसपछि कुनै आवाज नआएको उनको भनाइ छ ।
A husband and wife have been rescued 12 days after earthquakes in Turkey - they were buried under rubble for 296 hours.
— Al Jazeera English (@AJEnglish) February 19, 2023
Only one of the couple's three children was pulled out alive. The child later died of dehydration ⤵️ pic.twitter.com/p4oX1s2OAR
