०७ असार २०८३, आइतबार
रुसले युक्रेनमाथि आक्रमण गरेको एक वर्ष पुग्न लाग्दा जर्मनीले १०० अर्ब युरोभन्दा बढीको क्षति बेहोर्नुपरेको छ ।
जर्मन इन्स्टिच्युट फर इकोनोमिक रिसर्च नामक संस्थाका अध्यक्ष मार्सल फ्राटशरले विद्युतको मूल्य बढेकाले यो घाटा भएको बताए ।
‘युक्रेन युद्ध र त्यसपछि ऊर्जाको मूल्यमा भएको भयानक वृद्धिले जर्मनीलाई सन् २०२२ मा लगभग १०० अर्ब युरोको घाटा लाग्यो,’ फ्राटशरले राइनिस पोस्ट पत्रिकालाई बताए । आगमी वर्षमा यी क्षतिहरू झनै बढ्ने उनको भनाइ छ ।
रुसी ऊर्जामा बढी निर्भर रहेकाले जर्मनीले धेर क्षति बेहोर्नुपरेको उनको भनाइ छ । जर्मनीसँग ऊर्जा आवश्यक हुने उद्योग छ र ऊ आयात तथा विश्वव्यापी आपूर्ति शृंखलामा अत्यधिक निर्भर छ ।
