अमेरिकाको ह्वाइट हाउसकी प्रेस सचिव कारिन जीन–पिएरले झुक्केर राष्ट्रपति जो बाइडनलाई राष्ट्रपति ओबामा भनेकी छन् । 

पत्रकारहरूसँग कुराकानी गर्ने क्रममा कारिनको जिभ्रो चिप्लिएको हो । 

‘त्यसैले तपाईं सबैले एक घन्टाअघि देख्नुभयो, राष्ट्रपति ओबामाले घोषणा गर्नुभयो– माफ गर्नुहोला, राष्ट्रपति बाइडन,’ कारिनले बताइन् । उनले यसो भन्दा संवाददाताहरू आश्चर्य मानेर चिच्याएका थिए । 

‘ओहो, हँ हँ । यो त समाचार हो । मलाई थाहा छ, हामी अगाडि हैन पछाडि गइरहेका छौं । हामी अगाडि जानुपर्छ,’ उनले भनिन् । 

त्यसपछि उनले अजय बंगालाई विश्व बैंकको नेतृत्वका लागि राष्ट्रपतिका बाइडनले चयन गरेको घोषणा गरिन् ।