१० साउन २०८३, आइतबार
नेपाली कांग्रेसका सभापति शेरबहादुर देउवाको सचिवालयले पार्टीबाट राष्ट्रपतिको उम्मेदवार वरिष्ठ नेता रामचन्द्र पौडेल बन्ने पुष्टि गरेको छ ।
सभापति देउवा राष्ट्रपति उम्मेदवार नबन्ने सचिवालयले पुष्टि गरेको छ ।
देउवाको सचिवालय स्रोतले भन्यो, ‘सभापति राष्ट्रपतिको दाबेदार हुनुहुन्न । रामचन्द्र पौडेल र कृष्णप्रसाद सिटौला मुख्य दाबेदार हुनुहुन्छ । यी २ मध्ये पौडेल नै राष्ट्रपतिको उम्मेदवार बन्नुहुन्छ ।’
बिहान साढे ८ बजे बस्ने कांग्रेस कार्यसम्पादन समितिको बैठकले उम्मेदवारबारे औपचारिक निर्णय लिनेछ ।
शनिवार बिहान १० बजेदेखि दिउँसो ३ बजेसम्म उम्मेदवारी दर्ताको समय तोकिएको छ ।
