२३ जेठ २०८३, शनिबार
नेकपा एमालेका अध्यक्ष केपी शर्मा ओलीले राष्ट्रपतिमा सुवास नेम्वाङको नाम पुस १० गते नै टुंगो लागेको दाबी गरेका छन् ।
उनले पुस १० गतेको सहमतिका पक्षधरहरूले नेम्वाङलाई भोट दिने विश्वास गरे ।
शनिबार राष्ट्रपतिको उम्मेदवारी दर्तापछि पत्रकारहरूसँग कुरा गर्दै ओलीले आफूहरूको उम्मेदवारी सर्वत्र स्वीकार्य मात्र मात्र नभई स्वागतको विषय बनेको बताएका हुन् ।
‘हाम्रो उम्मेदवार दाउपेचको होइन, पुस १० गते नै टुंगो लागेको थियो । डिस्क्लोज नगरेको मात्र हो’, ओलीले भने, ‘विगतका प्रतिबद्धता र आफ्ना बचनबद्धताबाट कोही पनि पछि हट्ने काम हुँदैन । कुनै चिजको एक सर्कल पूरा नगरी केही हन्छ भन्ने हल्ला हो ।’
अत्यन्तै अनुभवी, कानुनका वेत्ता र लामो समय सभामुखको पदमा बसेका सफल राजनीतिज्ञ नेम्वाङलाई उम्मेदवार बनाइएको र जित्ने विश्वास लिएको ओलीले बताए ।
