१२ साउन २०८३, मंगलबार
बागमती प्रदेशमा राष्ट्रिय प्रजातन्त्र पार्टी (राप्रपा) सरकारबाट बाहिरिएको छ । खानेपानी, ऊर्जा तथा सिँचाइमन्त्री उद्धव थापासहितका राप्रपाका मन्त्रीहरुले आज साँझ प्रदेशका मुख्यमन्त्री शालिकराम जम्कट्टेलसमक्ष संयुक्तरूपमा राजीनामा बुझाएका हुन् ।
उनले पार्टीको निर्णयानुसार भन्दै राजीनामा दिइएको बताए । राप्रपाबाट थापासँगै पर्यटन, उद्योग तथा सहकारीमन्त्री डम्बरबहादुर तामाङ र वन तथा वातावरणमन्त्री राजु विष्ट मन्त्री थिए ।
