०५ साउन २०८३, मंगलबार
अस्ट्रेलियामा महिला क्रिकेटको घरेलु लीगमा अनौठो खेल परिणाम आएको छ ।
घरेलु शृंखलाको फाइनलमा साउथ अस्ट्रेलिया र तास्मानियाको भिडन्त थियो । शनिवार होबार्टको बेलेरिभ ओभल मैदानमा खेल भइरहेको थियो ।
अन्ति ओभरमा साउथ अस्ट्रेलियालाई चार रन आवश्यक थियो । उससँग पाँच विकेट पनि बाँकी थियो ।
तर उसका सबै विकेट खसे अनि तास्मानिया एक रनले खेल जित्न सफल भयो ।
तास्मानियाकी बलर साराह कोयटेले अन्तिम ओभरमा तीन विकेट लिइन् र दुईजना खेलाडी रनआउट भए ।
तास्मानियाले यस म्याचमा पहिले ब्याटिङ गर्दै ५० ओभरमा सबै विकेट गुमाएर २६४ रन बनाएको थियो । वर्षाका कारण दोस्रो इनिङमा तीन ओभर घटाइएको थियो ।
त्यसपछि साउथ अस्ट्रेलियालाई जीतका लागि ४७ ओभरमा २४२ रनको लक्ष्य दिइएको थियो । उसले २४१ रन मात्र बनाउन सक्यो ।
Here's the final over of the WNCL Final. South Australia start it needing four runs with five wickets in hand, and Tasmania win by a run after bowling SA out. Unreal scenes #WNCLFinal pic.twitter.com/c0n4x07YrX
— Ricky Mangidis (@rickm18) February 25, 2023
